दक्षिण आफ्रिका संघाने सर्वांनाच आश्चर्याचा धक्का देत विश्व टेस्ट चॅम्पियनशिप स्पर्धेच्या फायनलमध्ये स्थान निर्माण केले होते. त्या वेळी त्यांच्या संघाची चेष्टा केली जात होती. आता टेम्बा बावुमाच्या नेतृत्वाखाली दक्षिण आफ्रिका संघाने ऑस्ट्रेलियाला आयसीसी विश्व टेस्ट चॅम्पियनशिप फायनलमध्ये 5 विकेट्सने पराभूत करून ट्रॉफी त्यांच्या नावावर केली आहे. विजय मिळाल्यानंतर कर्णधार बावुमाने टीकाकारांना उत्तर देत, या सोबतच दोन खेळाडूंना जिंकण्याचे श्रेय दिलेले आहे.
काही वेळा आयसीसी ट्रॉफी जिंकण्यापासून लांब राहिलेल्या गोष्टीबद्दल देखील कर्णधार बावुमाने भाष्य केले. फायनल जिंकल्यानंतर पोस्ट मॅच प्रेझेंटेशनमध्ये त्याने म्हटले, हे खूप खास दिवस राहीले. तो म्हणाला असं वाटत आहे की, आम्ही आमच्या दक्षिण आफ्रिकामध्ये परत आलो आहे. या प्रकारे आम्हाला इथे मदत मिळाली आहे, एका संघाच्या स्वरूपात आमच्यासाठी खूप खास क्षण आहे. हे अनुभवायला आणखीन खूप वेळ लागणार आहे. आम्ही खूप आशा,निराशा घेऊन आलो आहोत. मागच्या खेळाडूंसोबत आम्ही सर्व पाहील आहे आणि आता आमच्यावर सूर्याची किरणे पडली आहे.
फायनल सामन्याआधी टीकेचा सामना केलेल्या दक्षिण आफ्रिका संघाच्या कर्णधाराने याविषयी म्हटले, कागिसो रबाडा एक शानदार खेळाडू आहे. काही वर्षानंतर तो आयसीसी हॉल ऑफ फेम मध्ये सुद्धा सामील होईल. तो वादामध्ये अडकला होता, पण त्याने तेच केले जे महत्त्वाचे होते. मार्करम अविश्वसनीय खेळाडू आहे आणि त्याने ते सिद्ध केले. आम्ही स्वतःचे फायनलमध्ये स्थान बनवले आणि स्वतःचा रस्ता निर्माण केला. मला खात्री आहे की, माझ्या देशात, घरी माणसे आनंद साजरा करत असतील.
