आयपीएल 2025 (IPL 2025) मध्ये लखनौ सुपर जायंट्ससाठी उत्तम कामगिरी करणारा वेस्ट इंडिजचा डावखुरा फलंदाज निकोलस (Nicolas pooran) आंतरराष्ट्रीय क्रिकेटमधून निवृत्तीची घोषणा केली आहे. पूरनने वयाच्या अवघ्या 29 व्या वर्षी आंतरराष्ट्रीय क्रिकेटला निरोप देऊन चाहत्यांना निराश केले आहे.
निकोलस पूरनने त्याच्या सोशल मीडिया अकाउंट इंस्टाग्रामवर एक पोस्ट शेअर करून आंतरराष्ट्रीय क्रिकेटमधून निवृत्ती घेतल्याची माहिती दिली. पूरनने त्याच्या पोस्टच्या कॅप्शनमध्ये लिहिले की, “खूप विचार केल्यानंतर, मी आंतरराष्ट्रीय क्रिकेटमधून निवृत्ती घेण्याचा निर्णय घेतला आहे.”
निकोलस पूरनने त्याच्या आंतरराष्ट्रीय क्रिकेट कारकिर्दीत वेस्ट इंडिजसाठी 61 एकदिवसीय आणि 106 टी-20 सामने खेळले. एकदिवसीय सामन्यात फलंदाजी करताना त्याने 1983 धावा केल्या, ज्यात 3 शतके आणि 11 अर्धशतके होती. याशिवाय त्याने टी-20 मध्ये 2275 धावा केल्या, ज्यात 13 अर्धशतके होती.
निकोलस पूरनने अशा वेळी आंतरराष्ट्रीय क्रिकेटमधून निवृत्ती घेण्याचा निर्णय घेतला आहे जेव्हा टी-20 विश्वचषक 8 महिने दूर आहे. त्याच वेळी, पूरनने क्रिकेट वेस्ट इंडिजला इंग्लंडविरुद्धच्या मालिकेसाठी त्याचे नाव विचारात घेऊ नये अशी विनंती केली होती कारण पूरनने आयपीएलनंतर विश्रांतीची मागणी केली होती. पूरनने काही काळ वेस्ट इंडिज टी-20 संघाचे नेतृत्वही केले.
