आंतरराष्ट्रीय क्रिकेटमध्ये भारतीय क्रिकेटपटूंनी वेळोवेळी अनेक महान विक्रम केले आहेत. केवळ फलंदाजच नाही तर गोलंदाजांचेही यामध्ये समान योगदान राहिले आहे. अनिल कुंबळे, कपिल देवसारख्या गोलंदाजांचाही या यादीत समावेश आहे. चांगल्या विक्रमांसोबत, क्रिकेटमध्ये काही नकोसे विक्रमदेखील होत असतात, जे कुणालाही चुकलेले नाहीत. भारतीय खेळाडूंनीही असे अनेक नकोसे विक्रम आपल्या नावे केले आहेत. या खराब विक्रमांबद्दल जाणून घेऊन सर्वांना आश्चर्य वाटेल. जाणून घेऊया त्या तीन नकोशा विक्रमांबद्दल, जे भारतीय खेळाडूंच्या नावे आहेत.
सुनील गावसकर- संथ खेळी
केवळ भारतच नव्हे तर जगातील महान फलंदाजांपैकी एक सुनील गावसकर यांच्या नावावर एकदिवसीय क्रिकेटमध्ये सर्वात संथ खेळी खेळल्याचा विक्रम आहे. त्यांनी १९७५ च्या विश्वचषकात इंग्लंडविरुद्ध १७४ चेंडूत नाबाद ३६ धावा केल्या होत्या. यामध्ये गावसकरांनी मोठे फटके मारण्याचा प्रयत्न देखील केला नसल्याचे दिसले होते. अशा खेळीनंतर त्यांच्यावर खूप टीकाही झाली होती. आजही ज्या क्रिकेट चाहत्यांना त्यांच्या या खेळीबद्दल माहिती आहे ते या डावाची आठवणही काढू इच्छित नसावेत.
अजित आगरकर- सलग ७ डावात शून्यावर बाद
अजित आगरकर एक वेगवान गोलंदाज म्हणून संघात आला होता. पण त्याला फलंदाजीही चांगली माहीत होती. कसोटी क्रिकेटच्या सात डावांमध्ये सलग शून्य धावा करण्याचा नकोसा विक्रम त्याच्या नावावर आहे. असा विक्रम केवळ आश्चर्यकारक असाच म्हणता येईल. त्यावेळी सलग ७ डावांमध्ये खाते न उघडू शकल्याने आगरकरवरही खूप टीका झाली होती. नंतर त्याने कसोटी क्रिकेटमध्येही शतक झळकावले होते. अष्टपैलू खेळाडू म्हणूनही त्याने आपल्या नावाची ओळख बनवली आहे.
युवराज सिंग- एका षटकात सर्वाधिक धावा देणे
युवराज सिंगचे स्टुअर्ट ब्रॉडच्या ६ चेंडूवर ६ षटकार येण्यापूर्वीचा हा किस्सा आहे. इंग्लिश फलंदाज दिमित्री मास्करेन्हासने युवराजला ओव्हलवर डावाच्या पन्नासाव्या षटकात ५ षटकार ठोकले होते. दिमित्री मास्करेन्हासने युवीच्या एकाच षटकात ३० धावा केल्या होत्या. यासह युवराज सिंगच्या नावावर भारताकडून एकदिवसीय क्रिकेटमध्ये एका षटकात सर्वाधिक धावा खर्च करण्याचा लज्जास्पद विक्रम नोंदवला गेला होता.
महत्त्वाच्या बातम्या-
भारताविरुद्ध केलेल्या शानदार कामगिरीमागचे ‘हे’ आहे रहस्य, ओली पोपनेच केलाय खुलासा
टी२० क्रमवारीत उलटफेर; बांगलादेशने ऑस्ट्रेलियाला टाकले मागे, पाहा पहिल्या ५ क्रमांकांवर कोणते संघ
हिटमॅनचा मोठा विक्रम! रोहित ‘असा’ विक्रम करणारा सचिन पाठोपाठ जगातला दुसराच सलामीवीर
