भारत आणि झिम्बाब्वे यांच्यातील पाच सामन्यांच्या टी20 आंतरराष्ट्रीय मालिकेतील पहिला सामना आज (6 जुलै) भारतीय वेळेनुसार दुपारी 4.30 वाजता खेळवला जाणार आहे. टीम इंडिया हरारे स्पोर्ट्स क्लबच्या मैदानावर झिम्बाब्वेविरुद्ध पहिला टी20 आंतरराष्ट्रीय सामना खेळणार आहे. आता रोहित शर्मा आणि विराट कोहलीशिवाय टी20 आंतरराष्ट्रीय क्रिकेटमध्ये टीम इंडियाचे नवे पर्व सुरु होणार आहे. भारतातील टी20 विश्वचषक विजयाच्या उत्सवादरम्यान, शुभमन गिलच्या नेतृत्वाखालील हा युवा संघ आपली विजयी मालिका सुरू करू इच्छितो.
आयपीएलमध्ये सनरायझर्स हैदराबादकडून चमकदार कामगिरी करणारा अभिषेक शर्मा आणि राजस्थान रॉयल्सकडून खेळणारा आसामचा रियान पराग या मालिकेतून पदार्पण करणार आहे. गेल्या काही वर्षांत रोहित आणि कोहली टी20 क्रिकेटमधील अनेक द्विपक्षीय मालिकेतून बाहेर पडले आहेत. आता या दोघांनी टी20 आंतरराष्ट्रीय क्रिकेटमधून निवृत्ती घेतल्यानंतर त्यांची नक्कीच उणीव भासणार आहे. रोहित आणि कोहलीची भरपाई करणे कठीण आहे, पण नंतर बदल हा जगाचा नियम आहे.
झिम्बाब्वे हा मजबूत संघ नाही, पण टी-20 फॉरमॅटमध्ये याचा फारसा फरक पडत नाही, आयपीएलमध्ये पंजाब किंग्जकडून खेळणारा सिकंदर रझा भारतासाठी आव्हानात्मक ठरू शकतो. शिवम दुबे, संजू सॅमसन आणि यशस्वी जयस्वाल हे तिसऱ्या सामन्यापासून उपलब्ध असतील. भारताचा भावी टी20 कर्णधार हार्दिक पांड्या, सूर्यकुमार यादव, रिषभ पंत, अक्षर पटेल, अर्शदीप सिंग आणि कुलदीप यादव हे देखील भविष्यात या फॉरमॅटमध्ये परततील, त्यामुळे प्लेइंग इलेव्हनमध्ये फारशी जागा रिक्त नाही. आतापासून 2026 च्या टी20 विश्वचषकापर्यंत भारतीय संघ या फॉरमॅटमध्ये 34 सामने खेळणार आहे.
वृत्त अहवालानुसार, कर्णधार शुबमन गिलने स्पष्ट केले आहे की, तो आणि अभिषेक शर्मा संघासाठी सलमी देणार आहेत. तर तिसऱ्या क्रमांकावर ऋतुराज गायकवाड फलंदाजी करणार आहे तर चाैथ्या स्थानी रियान पराग फलंदाजी करण्याची शक्यता आहे. असे झाल्यास आयपीएल स्टार्स अभिषेक शर्मा आणि रियान पराग हे दोघे भारतीय संघासाठी आजच्या सामन्यातून आंतरराष्ट्रीय पदार्पण करताना पहायला मिळतील.
भारतीय संघ (पहिल्या दोन सामन्यांसाठी): शुबमन गिल (कर्णधार), ऋतुराज गायकवाड, अभिषेक शर्मा, रिंकू सिंग, ध्रुव जुरेल, रियान पराग, वॉशिंग्टन सुंदर, रवी बिश्नोई, आवेश खान, खलील अहमद, मुकेश कुमार, तुषार देशपांडे, साई सुदर्शन, जितेश शर्मा, हर्षित राणा
महत्तवाच्या बातम्या-
दक्षिण आफ्रिकेचा पलटवार, 3 सामन्यांच्या टी20 मालिकेत 1-0 ने आघाडी
रोहित शर्मा, सूर्यकुमार यादव, शिवम दुबे आणि यशस्वी जयस्वाल यांचा राज्य सरकारकडून विधानभवनात सत्कार
‘मी ही रडत होतो तो ही रडत होता’ वानखेडे स्टेडियमवर झालेल्या कार्यक्रमात कोहलीनं केला मोठं खुलासा
