खुद्द कर्णधार श्रेयसकडून केकेआरची ‘पोलखोल’; म्हणाला, ‘संघाचे सीईओही करतात टीम सिलेक्शनमध्ये हस्तक्षेप’

तब्बल ५ बदलांसह सोमवारी (दि. ०९ मे) मैदानात उतरलेला कोलकाता नाईट रायडर्स संघ मुंबई इंडियन्सविरुद्ध ५२ धावांनी विजय मिळवला. नवी मुंबईच्या डॉ. डी. वाय. पाटील स्पोर्ट्स अकादमी स्टेडिअमवर पार पडलेला हा इंडियन प्रीमिअ लीग २०२२मधील ५६वा सामना होता. या सामन्यात विजय मिळवल्यानंतर कोलकाता संघाचा कर्णधार श्रेयस अय्यरने धक्कादायक वक्तव्य करत सर्वांचे लक्ष वेधून घेतले आहे.

खरं तर, मैदानावर संघाने कोणत्या प्लेइंग इलेव्हनसोबत उतरायचे हा निर्णय परिस्थितीनुसार कर्णधार आणि प्रशिक्षक करतात. मात्र, कोलकाता संघ कोणत्या प्लेइंग इलेव्हनसोबत उतरणार यामध्ये संघाचे सीईओ वेंकी म्हैसूर यांचा महत्त्वाचा हस्तक्षेप असतो. याचा खुलासा खुद्द कर्णधार श्रेयस अय्यरने केले आहे.

मुंबईविरुद्ध मोठा पराभव झाल्यानंतर श्रेयस अय्यर म्हणाला की, “प्लेइंग इलेव्हनबाबत मोठी बातचीत झाली होती. या बैठकीत प्रशिक्षकांव्यतिरिक्त संघाचे सीईओदेखील उपस्थित होते. यादरम्यान हा निर्णय घेतला गेला की, कोणता खेळाडू आज मैदानात उतरेल आणि कोणाला बाहेरचा रस्ता दाखवायचा आहे. ज्यांना आजच्या सामन्यात संधी मिळणार होती, त्यांना प्रशिक्षक ब्रेंडन मॅक्युलम यांनी जाऊन सुचना दिली होती. सर्व खेळाडूदेखील या निर्णयाशी सहमत असल्याचे दिसले.”

अशात आता प्रश्न उपस्थित होत आहे की, संघाची निवड करताना सीईओचे काय काम? असेही नाही की, वेंकी म्हैसूर यांना क्रिकेटचा अनुभव आहे. या सामन्यात जर कोलकाता संघ पराभूत झाला असता, तर त्याची जबाबदारी कोणी घेतली असती? कारण, सामन्यात कोणत्या खेळाडूंना खेळवायचे, हे एक कर्णधार आणि प्रशिक्षकांना चांगलेच ठाऊक असते. दुसरीकडे, जर संघाची निवड करताना सीईओ हस्तक्षेप करत असतील, तर संघाच्या प्रदर्शनावरही याचा परिणाम होऊ शकतो.

https://twitter.com/Akashkumarjha14/status/1523728271203966976?ref_src=twsrc%5Etfw%7Ctwcamp%5Etweetembed%7Ctwterm%5E1523728271203966976%7Ctwgr%5E%7Ctwcon%5Es1_&ref_url=https%3A%2F%2Fcricfit.com%2Ftwitter-slams-kkr-ceo-venky-mysore-for-interfering-in-team-selections%2F

https://twitter.com/CricSubhayan/status/1523724550931836928?ref_src=twsrc%5Etfw%7Ctwcamp%5Etweetembed%7Ctwterm%5E1523724550931836928%7Ctwgr%5E%7Ctwcon%5Es1_&ref_url=https%3A%2F%2Fcricfit.com%2Ftwitter-slams-kkr-ceo-venky-mysore-for-interfering-in-team-selections%2F

https://twitter.com/EternalBlizard_/status/1523724670977323009?ref_src=twsrc%5Etfw%7Ctwcamp%5Etweetembed%7Ctwterm%5E1523724670977323009%7Ctwgr%5E%7Ctwcon%5Es1_&ref_url=https%3A%2F%2Fcricfit.com%2Ftwitter-slams-kkr-ceo-venky-mysore-for-interfering-in-team-selections%2F

https://twitter.com/oyegupta_/status/1523726985100292098?ref_src=twsrc%5Etfw%7Ctwcamp%5Etweetembed%7Ctwterm%5E1523726985100292098%7Ctwgr%5E%7Ctwcon%5Es1_&ref_url=https%3A%2F%2Fcricfit.com%2Ftwitter-slams-kkr-ceo-venky-mysore-for-interfering-in-team-selections%2F

महा स्पोर्ट्सचा व्हॉट्सअप ग्रुप जॉइन करण्यासाठी इथे क्लिक करा

कोलकाता संघाची हंगामातील कामगिरी
कोलकाता संघाने या हंगामात आतापर्यंत १२ सामने खेळले आहेत. यामध्ये त्यांनी फक्त ५ सामने जिंकले आहेत, तर उर्वरित ७ सामन्यांमध्ये त्यांना पराभवाचा धक्का सहन करावा लागला आहे. या सामन्यापूर्वी नवव्या क्रमांकावर असलेला कोलकाता संघ आता मुंबईविरुद्धच्या विजयानंतर १० गुणांसह सातव्या क्रमांकावर पोहोचले आहेत.