देशांतर्गत क्रिकेटमध्ये अनेक शतके झळकावणारा भारतीय फलंदाज करुण नायरची बॅट थांबण्याचे नाव घेत नाहीये. या 33 वर्षीय फलंदाजाने आता विदर्भ आणि केरळ यांच्यात खेळल्या जाणाऱ्या रणजी ट्रॉफीच्या अंतिम सामन्यात शतक झळकावले आहे. सामन्याच्या चौथ्या दिवशी दुसऱ्या डावात फलंदाजी करताना विदर्भाच्या करुण नायरने रणजी ट्रॉफीच्या अंतिम सामन्यात दुसरे शतक आणि त्याच्या प्रथम श्रेणी कारकिर्दीतील 23 वे शतक झळकावले. त्याच्या शतकामुळे विदर्भाची स्थिती मजबूत झाली.
चालू रणजी हंगामात उत्तम फॉर्ममध्ये असलेल्या करुण नायरची ही चौथी शतकी खेळी आहे. या खेळीसह, विदर्भाने केरळविरुद्धच्या जेतेपदाच्या सामन्याच्या चौथ्या दिवसाच्या आखेरीस दुसऱ्या डावात 4 बाद 249 धावा करून आपले स्थान मजबूत केले आहे. तिसऱ्या रणजी जेतेपदाच्या दिशेने वाटचाल करणाऱ्या विदर्भाने पहिल्या डावात ३७ धावांची आघाडी घेतली होती. ज्यामुळे त्यांची एकूण आघाडी 286 धावांवर पोहोचली
सामन्याच्या चाैथ्या दिवसाखेर करुण नायर 280 चेंडूत 132* धावा काढून क्रीजवर आहे. त्याने दानिश मालेवारसोबत तिसऱ्या विकेटसाठी 182 धावांची मोठी भागीदारी केली आणि विदर्भाचे सामन्यावर वर्चस्व निर्माण केले. मालेव्हरने 161 चेंडूत पाच चौकारांच्या मदतीने 73 धावा केल्या. पहिल्या डावातही नायर शतक ठोकण्याच्या जवळ होता. पण 86 धावांवर तो धावबाद झाला. गेल्या 10 सामन्यांमधील हे त्याचे सहावे शतक आहे. यावरून तो सध्या उत्कृष्ट फॉर्ममध्ये असल्याचे दिसून येते. हे त्याचे या हंगामातील नववे शतक होते.
शतक झळकवल्यानंतर त्याचे सेलिब्रेशन हटके होते, पाहा व्हिडिओ-
KARUN NAIR HUNDRED IN THE RANJI TROPHY FINAL. 💯
– The celebration from Nair is a statement for selectors. 🥶pic.twitter.com/k9bZkjks4a
— Mufaddal Vohra (@mufaddal_vohra) March 1, 2025
हे शतक नायरचे रणजी ट्रॉफीच्या अंतिम सामन्यातील दुसरे शतक आहे. 2013-14 मध्ये कर्नाटककडून स्पर्धेत पदार्पण केल्यापासून त्याने चार वेळा ही कामगिरी केली आहे. मागील डावात, नायरने त्याच्या 152 व्या सामन्यात 8000 प्रथम श्रेणी धावा पूर्ण केल्या.
दुसऱ्या डावात सात धावांत दोन विकेट गमावल्यानंतर विदर्भ अडचणीत सापडला होता. परंतु नायर आणि मालेवार यांनी संयम आणि एकाग्रतेने फलंदाजी करत त्यांना मजबूत स्थितीत आणले. अक्षय चंद्रनने मालेव्हरला बाद करून ही भागीदारी मोडली. त्याआधी, अनुभवी फिरकी गोलंदाज जलज सक्सेनाने पहिल्याच चेंडूवर पार्थ रेखाडेला (1) बाद केले. दरम्यान, मध्यमगती गोलंदाज एमडी निधीशने पुढच्याच षटकात ध्रुव शोरे (5) ला बाद केले.
हेही वाचा-
दक्षिण आफ्रिकेची विजयी झेप! आयसीसी चॅम्पियन्स ट्रॉफी 2025 उपांत्य फेरीत दणदणीत प्रवेश
SA vs ENG: इंग्लंडची दुर्दशा, दक्षिण आफ्रिकेच्या गोलंदाजांनी उडवला धुव्वा, 179 धावांत सर्वबाद
Champions Trophy: भारत विरूद्ध न्यूझीलंड कोणाचं पारडं जड? जाणून घ्या हेड टू हेड रेकार्ड्स
