बहुप्रतीक्षित अशा जागतिक कसोटी अजिंक्यपद स्पर्धेच्या अंतिम सामन्याला शनिवार (१९ जून) पासून इंग्लंडमधील साऊथम्पटनच्या मैदानावर सुरुवात झाली. भारत आणि न्यूझीलंड हे जागतिक क्रिकेटमधील दोन बलाढ्य संघ या सामन्यात आमनेसामने आहेत. कसोटी क्रिकेटचे सर्वोच्च विजेतेपद पटकावण्यासाठी हे दोन्ही संघ उत्सुक आहेत.
त्यामुळेच दोन्ही संघांनी सामन्यापूर्वीच्या तयारीत कुठलीही कसर सोडली नाही. अशाच एका सरावाचा व्हिडिओ आता समोर आला आहे. भारतीय संघाचा सलामीवीर रोहित शर्मा यात फलंदाजीचा सराव करतांना दिसून येत आहे. विशेष म्हणजे या सरावासाठी त्याला कोणी सपोर्ट स्टाफ नाही तर खुद्द कर्णधार विराट कोहली गोलंदाजी करतांना दिसतो आहे.
कोहलीने केली रोहित शर्माला मदत
जागतिक कसोटी अजिंक्यपद स्पर्धेचा अंतिम सामना भारतासाठी महत्वाचा आहे. गेली काही वर्षे सातत्याने कसोटी क्रिकेटमध्ये चांगली कामगिरी करणार्‍या भारतीय संघाला हे विजेतेपद खुणावते आहे. त्यासाठी त्यांनी अंतिम सामन्यापूर्वी कसून सराव केला. एकाही खेळाडूने या सरावात कुठलीच कसर सोडली नाही.
हीच गोष्ट कर्णधार कोहलीच्या बाबतीतही दिसून आली. कोहली सलामीवीर रोहित शर्माचा फलंदाजीचा सराव करून घेण्यासाठी स्वतः त्याला थ्रोडाऊन करतांना दिसून आला. यावेळी दोघांनी तंत्राबाबत चर्चा देखील केली. कोहलीने केलेल्या सूचना रोहित आपल्या खेळात अमलात आणण्याचा प्रयत्न करत असल्याचे दिसले.
https://twitter.com/JustinOffcl_/status/1405817016091496449?ref_src=twsrc%5Etfw%7Ctwcamp%5Etweetembed%7Ctwterm%5E1405817016091496449%7Ctwgr%5E%7Ctwcon%5Es1_&ref_url=https%3A%2F%2Fzeenews.india.com%2Fhindi%2Fsports%2Fcricket%2Fwtc-virat-kohli-gave-valuable-tips-to-rohit-sharma-in-nets-video-went-viral%2F923926
रोहित पहिल्या डावात स्वस्तात माघारी
दरम्यान, रोहित शर्मा या सामन्यात पहिल्या डावात मात्र स्वस्तात माघारी परतला. भारतीय संघ प्रथम फलंदाजी करत असतांना रोहितने शुबमन गिलच्या साथीने सावध सुरुवात केली होती. मात्र २१व्या षटकांत कायले जेमिसनने त्याला त्याला बाद केले. शरीरापासून दूर असलेला चेंडू मारण्याच्या प्रयत्नात रोहित स्लिप मध्ये उभ्या असलेल्या टीम साउदीच्या हाती झेल देऊन बसला. त्यामुळे ६८ चेंडूत ३४ धावा करून रोहितला तंबूत परतावे लागले.
महत्त्वाच्या बातम्या –
प्रतिस्पर्धी खेळाडूला वीट फेकून मारणे बांगलादेशी क्रिकेटपटूला पडले महागात; बोर्डाने ठोठावला मोठा दंड
अगंगंगंगं! कोहली नाणेफेक हारला अन् मिम्सचा पाऊस सुरु झाला
शेफालीचे अविस्मरणीय पदार्पण! दोन अर्धशतकांसह केले अनेक विक्रम नावे
