मुंबई । उत्तर केरळच्या मल्लपुरम जिल्ह्यामध्ये एका गर्भवती हत्तीणीला क्रूरपणे मारल्याची हद्रयदावक घटना घडली. काही समाजकंटकांनी अननसमध्ये फटाके भरून तिला खायला दिले. त्यानंतर त्या हत्तीणीचा तडफडून मृत्यू झाला. या घटनेमुळे वन्यप्रेमींसह नागरिकांनी हळहळ व्यक्त केली. कर्णधार विराट कोहली आणि यष्टीरक्षक फलंदाज ऋषभ पंत ही क्रूर घटना पाहून अस्वस्थ झाले आहेत.
विराट कोहलीने ट्विट करून म्हणाला की, “ही घटना ऐकून मी चांगलाच अस्वस्थ झालो. चला प्राण्यांशी प्रेमाने वागूयात. अशा घटना बंद झाल्या पाहिजेत.”
Appalled to hear about what happened in Kerala. Let's treat our animals with love and bring an end to these cowardly acts. pic.twitter.com/3oIVZASpag
— Virat Kohli (@imVkohli) June 3, 2020
भारताचा यष्टिरक्षक फलंदाज ऋषभ पंत म्हणाला की, “केरळमधील गर्भवती हत्तीणीची घटना वाचून मला फार वाईट वाटले. मला खूपच राग आला. दोषींवर कडक कारवाई व्हावी. लोक किती क्रूर असतात.”
Heartbroken, speechless, angry & shocked to read the news about the pregnant elephant in Kerala. How can anyone be so cruel. Hope the guilty are punished severely. pic.twitter.com/YKFCrrKPwZ
— Rishabh Pant (@RishabhPant17) June 3, 2020
याबाबत सविस्तर वृत्त असे की, 25 मे रोजी एक गर्भवती हत्तीण अन्नाच्या शोधात जंगलांमधून गावात आली. काही लोकांनी तिला अननस मध्ये फटाके घालून खायला दिले. ते अन्न खाताच तिच्या तोंडात स्फोट झाला. त्यामुळे तिचा जबडा फाटला. दात तुटून पडले. ती गंभीर जखमी झाली. तोंडातल्या वेदना कमी करण्यासाठी एका नदीमध्ये जाऊन उभा राहिली. लोकांनी तिला नदीतून बाहेर काढून वाचवण्याचा प्रयत्न केला, पण ती बाहेर आली नाही. नदीतच तीन दिवस उभी राहिली. अखेर गंभीर जखमांमुळे तिचा मृत्यू झाला.
