भारतीय संघाचा वर्तमान कर्णधार विराट कोहलीला जगातील सर्वोत्कृष्ट क्रिकेटपटू म्हटले जाते. जगभरातील समीक्षक आणि माजी खेळाडू त्याचे कौतुक करताना थकत नाहीत. आता विराटच्या या कौतुकात आणखी भर पडणार आहे. कारण एका मासिकाने केलेल्या सर्वेक्षणात विराट मागील दशकातील सर्वात व्यस्त क्रिकेटपटू म्हणून समोर आला आहे. जगभरातील इतर क्रिकेटपटूंपेक्षा विराटने सर्वाधिक आंतरराष्ट्रीय सामने खेळले आहेत.
विराट ठरला सर्वात व्यस्त क्रिकेटपटू
‘द मंथली क्रिकेट’ या मासिकाने एक रिपोर्ट सादर केला आहे. त्या रिपोर्टमध्ये १ जानेवारी २०१० ते ३१ डिसेंबर २०१९ पर्यंतच्या आंतरराष्ट्रीय क्रिकेटमधील अनेक आकडेवारी समाविष्ट केल्या आहेत. या दहा वर्षांच्या काळात सर्वाधिक दिवस आंतरराष्ट्रीय क्रिकेट खेळणाऱ्या आंतरराष्ट्रीय क्रिकेटपटूची नावेदेखील समाविष्ट करण्यात आली आहेत. त्यात विराट कोहली हा दशकातील सर्वात व्यस्त क्रिकेटपटू ठरला आहे.
खेळला इतके दिवस आंतरराष्ट्रीय क्रिकेट
‘द मंथली क्रिकेट’ च्या रिपोर्टनुसार विराट कोहलीने मागील दहा वर्षाच्या काळात ६६८ दिवस आंतरराष्ट्रीय क्रिकेट खेळले आहे. यातील ३६६ दिवस कसोटी क्रिकेट, २२७ दिवस वनडे क्रिकेट व ७५ दिवस टी२० क्रिकेट खेळले. ३२ वर्षीय विराटने आपल्या आंतरराष्ट्रीय कारकीर्दीची सुरुवात २००८ मध्ये केली होती. विराटने आत्तापर्यंत भारतासाठी ८६ कसोटी, २४९ वनडे व ८२ टी२० सामने खेळले आहेत.
विराटनंतर लागतो या दिग्गजांचा क्रमांक
विराटनंतर श्रीलंकेचा एंजेलो मॅथ्यूज हा आंतरराष्ट्रीय क्रिकेटमधील सर्वात व्यस्त क्रिकेटपटू ठरला. मॅथ्यूजने या दहा वर्षात श्रीलंकेसाठी ६०८ दिवस आंतरराष्ट्रीय क्रिकेट खेळले. यातील ३५२ दिवस कसोटी क्रिकेट, १९६ वनडे व ६० टी२० सामन्यांच्या दिवसाचा समावेश आहे. इंग्लंडचा स्टुअर्ट ब्रॉड या यादीत तिसर्‍या स्थानी आहे. त्याने मागील दशकात ५९३ दिवस आंतरराष्ट्रीय खेळण्याची कामगिरी केली. विराट, मॅथ्यूज व ब्रॉडनंतर न्यूझीलंडचा अनुभवी फलंदाज रॉस टेलर या यादीत चौथ्या क्रमांकावर विराजमान आहे. त्याने मागील दशकात ५७१ दिवस आंतरराष्ट्रीय क्रिकेट सामन्यांत सहभाग नोंदवला
महत्त्वाच्या बातम्या-
टीम इंडियाला शतकी तडाखा दिलेला फिंच आरसीबी फॅन्सकडून ट्रोल; मीम्स झाले व्हायरल
‘मला आरसीबीसाठी खेळायला मिळेल का?’, इंग्लंडच्या कर्णधाराच्या प्रश्नावर विराटने दिले ‘हे’ उत्तर
फलंदाज म्हणून हार्दिक ऐवजी ‘या’ खेळाडूला मिळाली पाहिजे होती संधी, माजी भारतीय दिग्गजाचे वक्तव्य
ट्रेंडिंग लेख-
वनडेत सर्वाधिक वेळा ३०० हून अधिक धावा करणारे संघ, भारताच्या नावे ‘हा’ विक्रम
आयपीएलमध्ये सुपर फ्लॉप ठरलेले ३ ऑस्ट्रेलियन खेळाडू भारताविरुद्ध पहिल्या वनडेत चमकले
भारताला ऑस्ट्रेलियाविरुद्ध पहिल्या वनडे सामन्यात ‘या’ तीन कारणामुळे पराभव पहावा लागला