RCB Win The Trophy IPL 2025: आयपीएल 2025चा विजेता संघ रॉयल चॅलेंजर्स बंगळुरू एम चिन्नास्वामी स्टेडियममध्ये पोहोचताच मैदानात उपस्थित असलेल्या हजारो चाहत्यांनी मोठ्याने जल्लोष सुरू केला. जेव्हा विराट कोहलीला स्टेजवर बोलावण्यात आले तेव्हा हजारो चाहत्यांच्या आवाजाने त्याला बोलू देखील दिले नाही. 18 वर्षांनंतर आरसीबी आणि त्यांच्या चाहत्यांचे आयपीएल ट्रॉफी जिंकण्याचे स्वप्न पूर्ण झाले आहे. म्हणूनच सर्वजण उत्साहाने भरलेले दिसले. यादरम्यान, विराट कोहलीने बंगळुरू संघाचा कर्णधार रजत पाटीदारचे कौतुक केले. त्याला संघाचा नेता म्हणून ओळख करून दिली. विराटने स्वतः ट्रॉफी उचलली आणि चाहत्यांचे अभिवादन स्वीकारले.
चिन्नास्वामी स्टेडियममध्ये उपस्थित असलेल्या हजारो चाहत्यांनी विराट कोहलीला बोलू दिले नाही. यामुळे, कोहलीला स्वतःच म्हणावे लागले की हा समारंभ संपवायचा देखील आहे. म्हणून वेळेअभावी, विराटला लोकांना बोलू देण्याची विनंती करावी लागली. यादरम्यान विराट कोहली म्हणाला, “ट्रॉफी जिंकल्यानंतर आमच्या कर्णधाराने जे म्हटले त्यापासून मी सुरुवात करू इच्छितो. ते आता ‘ई साला कप नमदे’ राहिलेले नाही, ते आता ‘ई साला कप नमदू’ झाले आहे. आम्ही ते केले आहे, हा विजय फक्त माझा किंवा माझ्यासारख्या खेळाडूंचा नाही तर तुमच्या सर्वांचा आहे.” (Virat Kohli On Team)
पुढे बोलताना विराट म्हणाला, “अनबॉक्सिंग कार्यक्रमादरम्यान मी तुम्हाला सांगितले होते की हा खेळाडू आपल्या संघाचे बराच काळ नेतृत्व करेल. त्याला पाठिंबा द्या, आणि आता आमचा कर्णधार रजत पाटीदारचे स्वागत करा. येत्या काळात तो रॉयल चॅलेंजर्स बंगळुरूचे नेतृत्व करत राहील.” (Virat Kohli On Rajat Patidar)
#WATCH | #RoyalChallengersBangalore team with the #IPL2025 trophy at M Chinnaswamy Stadium in Bengaluru pic.twitter.com/I9WQwkEDvf
— ANI (@ANI) June 4, 2025
