भारतीय संघाचा सर्वात महत्वाचा फलंदाज विराट कोहली आशिया चषकाच्या तयारीत आहे. 30 ऑगस्ट रोजी सुरू होणाऱ्या आशिया चषकात भारताला पहिला सामना पाकिस्तानसोबत खेळायचा आहे. भारत आणि पाकिस्तान या दोन कट्टर प्रतिस्पर्धी संघांमधील हा सामना 2 सप्टेंबर रोजी खेळला जाणार आहे. तत्पूर्वी विराट सराव करत आहेच. पण त्याने या सामन्याआधी आपला लूक देखील बदलला आहे.
आशिया चषक 2023 (Asia Cup 2023) चे यजमानपद पाकिस्तान संघाकडे आहे. मात्र स्पर्धेतील 13 पैकी 9 सामने श्रीलंकेत खेळला जणार आहेत. भारतीय संघाच्या अटीमुळे आशिया चषक हायब्रिड मॉडेलवर आयोजित केला गेला असून पाकिस्तानमध्ये फक्त चार सामने खेळवले जाणार आहेत. भारतीय संघ आपले सर्व सामने श्रीलंकेत खेळेल. सोबतच स्पर्धेची उपांत्य फेरी आणि अंतिम सामनाही श्रीलंकेत होईल. 30 ऑगस्ट रोजी जयमान पाकिस्तान आणि नेपाळ यांच्यात स्पर्धेचा पहिला सामना खेळवला जाईल.
आशिया चषकात विराट कोहली (Virat Kohli) एका नव्या लूकमध्ये दिसणार आहे. सोमवारी (28 ऑगस्ट) विराटच्या अधिकृत इंस्टाग्राम खात्यावरून या नव्या लूकचा फोटो शेअर केला गेला आहे. त्याच्या लूकवर चाहत्यांच्या वेगवेगळ्या प्रतिक्रिया येत आहेत. अनेकांच्या मते विराट या नव्या लूकमध्ये आधीपेक्षा अधिक प्रभावी वाटत आहे. ट्वीटरवर त्याचे हे फोटो व्हायरल होत आहेत.
King Kohli's new look. pic.twitter.com/sUHFEudbIF
— Johns. (@CricCrazyJohns) August 28, 2023
दरम्यान, विराटसाठी मागच्या वर्षीया आशिया चषक खास ठरला होता. त्याने जवळपास तीन वर्षांनंतर आशिया चषक 2022मध्ये आंतरराष्ट्रीय शतक केले, ज्याची जगभरात तुफान चर्चा झाली. अफगाणिस्तानविरुद्ध खेळलेल्या या सामन्यानंतर विराट कोहली पुन्हा फॉर्ममध्ये परतल्याचे दिसले. आगामी आशिया चषकात देखील चाहत्यांचे त्याच्या प्रदर्शनावर खास लक्ष असणार आहे.
विराटच्या कारकिर्दीचा विचार केला, तर त्याने आथापर्यंत 501 आंतरराष्ट्रीय सामने खेळले आहेत. यात त्याने 76 षटक आणि 131 अर्धशतकांच्या मदतीने 25582 धावा कुटल्या आहेत. (Virat Kohli will be seen in a new look in Asia Cup 2023)
महत्वाच्या बातम्या –
‘श्रीलंका आणि बांगलादेशला कमी समजू नका’, पाकिस्तानच्या दिग्गजाचा भारत-पाकिस्तानला सल्ला
वर्ल्डकपसाठी न्यूझीलंड क्रिकेट बोर्डाची विलियम्सनला डेडलाईन! ‘या’ तारखेपर्यंत व्हावे लागणार फिट