हजारो कोटींच्या मालकाने मुलांना प्रेरीत करण्यासाठी दिले विराट कोहलीचे उदाहरण, पाहा व्हायरल व्हिडिओ

सध्याच्या काळातील महान क्रिकेटपटूबद्दल बोलायचे झाले तर विराट कोहली याचे नाव आघाडीवर असेल. कोहली केवळ मैदानावरच नाही तर मैदानाबाहेरही चाहत्यांना खूप आवडतो. यामुळेच लाखो तरुण त्याच्यासारखे बनण्याचे स्वप्न पाहतात आणि तो अनेक लोकांसाठी प्रेरणास्थान आहे. दरम्यान, फिजिक्सवालाचे संस्थापक अलख पांडे यांचा एक व्हिडिओ समोर आला आहे, ज्यामध्ये तो यश मिळवण्यासाठी युवकांना विराट कोहलीचे उदाहरण देताना दिसत आहे.

अलख पांडेची गणना भारतातील सर्वात श्रीमंत व्यक्तींमध्ये केली जाते. त्याच्या शिक्षणाच्या स्टार्टअपला नुकताच युनिकॉर्नचा दर्जा मिळाला. टाइम्स ऑफ इंडियाच्या रिपोर्टनुसार त्याची एकूण संपत्ती 8 हजार कोटी रुपये आहे.

त्याचा एक व्हिडिओ ट्विटरवर व्हायरल होत आहे, ज्यामध्ये तो एका सेमिनारमध्ये मुलांना ध्येय गाठण्यासाठी माजी कर्णधार कोहलीच्या संघर्षाबद्दल सांगत आहे. तो म्हणाला, ‘प्रत्येकाला कोहलीसारखे व्हायचे आहे, एकदिवसीय फॉरमॅटमधील महान खेळाडू, परंतु त्याच्यासारख्याच संघर्षांना सामोरे न जाता त्याच्या रणजी पदार्पणाच्या पहिल्या सामन्यादरम्यान त्याच्या वडिलांच्या मृत्यूशी संबंधित घटनेबद्दल देखील सांगितले.

Alakh Pandey gives Motivation to the Students through Virat Kohli Stories ❤️ pic.twitter.com/a4rilpZg7I

— Virat Kohli Fan Club (@Trend_VKohli) January 26, 2024

क्रिकेटबद्दल बोलायचे झाले तर विराट कोहली सध्या विश्रांतीवर आहे. इंग्लंडविरुद्धच्या पाच सामन्यांच्या कसोटी मालिकेतील पहिल्या सामन्यासाठी त्याची संघात निवड करण्यात आली होती, परंतु पहिली कसोटी सुरू होण्यापूर्वी त्याने वैयक्तिक कारणांमुळे आपले नाव मागे घेतले. मात्र, नाव मागे घेण्यापूर्वी त्याने कर्णधार रोहित शर्मा आणि संघ व्यवस्थापनाशी चर्चा केली आणि त्यांनी त्याच्या निर्णयाचा आदर करत परवानगी दिली. (Virat Kohli’s example is given by the owner of thousands of crores to inspire children)

हेही वाचा

26 जानेवारीला शतक झळकावणारे भारतीय फलंदाज, पाहा कोणीकोणी केलाय हा कारणामा
ऑस्ट्रेलिया ओपनमध्ये मोठा उलटफेर! यानिक सिनरने जोकोविचला दाखवला बाहेरचा रस्ता