आंतरराष्ट्रीय क्रिकेट असो किंवा आयपीएल, भारताचा दिग्गज क्रिकेटर विराट कोहलीने सर्वत्र भरपूर धावा केल्या आहेत. म्हणूनच त्याला रन मशीन म्हणूनही ओळखले जाते. विराटने आयपीएलच्या इतिहासात आतापर्यंत 8,600 पेक्षा जास्त धावा केल्या आहेत. त्याने या सर्व धावा रॉयल चॅलेंजर्स बंगळुरूसाठी (RCB) केल्या आहेत. सध्याच्या आयपीएल हंगामात, आरसीबीचा सामना (17 मे) रोजी कोलकाता नाईट रायडर्स (KKR) विरुद्ध आहे. पण केकेआर संघात एक गोलंदाज आहे ज्याच्याविरुद्ध विराटला धावा करणे खूप कठीण आहे. तो गोलंदाज दुसरा कोणी नसून सुनील नारायण (Sunil Narine) आहे.
आयपीएलमध्ये विराट कोहलीने सुनील नरायणविरुद्ध 17 डावात 136 धावा केल्या आहेत. या काळात केकेआरच्या या गोलंदाजाने विराटला 4 वेळा बाद केले आहे. नारायणविरुद्ध त्याची सरासरी 34 आहे आणि स्ट्राईक रेटही फक्त 105.42 आहे. हे आकडे पाहता, सुनील नारायणविरुद्ध विराटची बॅट चालत नाही असे म्हणता येईल. आजच्या सामन्यात या गोलंदाजाविरुद्ध विराट कोणती रणनीती आखतो हे पाहणे मनोरंजक ठरेल. पण या सामन्यात पावसामुळे व्यत्यय आला आहे.
विराट कोहलीबद्दल बोलायचे झाले तर, त्याने आयपीएल 2025 मध्ये आतापर्यंत खूप धावा केल्या आहेत. त्याने या हंगामात आतापर्यंत 11 सामने खेळले आहेत, ज्यामध्ये त्याच्या बॅटमधून एकूण 505 धावा झाल्या आहेत. या दरम्यान त्याची सरासरी 63.12 आहे. विराटने या सर्व धावा 143.46 च्या स्ट्राईक रेटने केल्या आहेत. त्याने या हंगामात आतापर्यंत 7 अर्धशतके झळकावली आहेत. येथून उर्वरित सामन्यांमध्ये विराट किती धावा करतो हे पाहण्यासारखे असेल.
