Virender Sehwag Statement On Team India: भारतीय संघ पुढील महिन्यात इंग्लंड दौऱ्यावर जाणार आहे. जिथे दोन्ही संघांमध्ये 5 सामन्यांची कसोटी मालिका खेळवली जाईल. (India vs England) आगामी मालिकेसाठी भारतीय संघाची घोषणाही करण्यात आली आहे. निवडकर्त्यांनी रोहित शर्मा आणि विराट कोहलीची पोकळी भरून काढण्याचा प्रयत्न केला आहे. आगामी दौऱ्यात रोहितच्या जागी डावाची सुरुवात कोण करणार? याचे उत्तर जवळजवळ स्पष्ट दिसते. पण चौथ्या क्रमांकावर असलेल्या विराट कोहलीची जागा कोण भरून काढेल? याबद्दल सर्वजण गोंधळलेले आहेत. यादरम्यान या प्रश्नाचे उत्तर भारताचा माजी दिग्गज सलामीवीर वीरेंद्र सेहवागने चांगले दिले आहे.
क्रिकबझशी झालेल्या संभाषणादरम्यान सेहवाग म्हणाला, “पहा, सर्वप्रथम संघात अनेक सलामीवीर आहेत. शुबमन गिल सलामीला येतो, यशस्वी जयस्वाल, साई सुदर्शन आणि केएल राहुल देखील सलामीला येतो. अभिमन्यू ईश्वरन देखील आहे, परंतु त्याला संघात स्थान मिळण्याची शक्यता कमी आहे. पण गिल, जयस्वाल, सुदर्शन आणि केएल राहुल यांच्यात प्लेइंग इलेव्हनमध्ये स्थान मिळवण्याची पूर्ण क्षमता आहे.” (Virender Sehwag talking about India’s Team young players)
केएल राहुलबद्दल बोलताना सेहवाग म्हणाला, “त्याच्यात चांगली कामगिरी करण्याची भूक आहे. तुम्हाला केएल राहुलला खेळवायला नक्कीच आवडेल. गेल्या दौऱ्यात जयस्वालने ऑस्ट्रेलियात शानदार कामगिरी केली आहे. शुबमन गिल संघाचा कर्णधार आहे. तो नक्कीच खेळेल. त्यामुळे आमच्या संघात आधीच तीन सलामीवीर आहेत. जर सुदर्शन उत्तम फॉर्ममध्ये असेल, तर कर्णधार त्याला नक्कीच संधी देऊ इच्छितो. तो त्याचा चांगला मित्र किंवा त्याचा सलामीचा साथीदार देखील आहे. जेव्हा तुम्ही त्याच्यासोबत खेळता तेव्हा तुम्ही एखाद्या खेळाडूला चांगले समजता.”
प्रश्नाचे उत्तर देताना सेहवाग म्हणाला की, जर गिल आणि जयस्वाल ओपनिंग करतात, तर सुदर्शनने तिसऱ्या क्रमांकावर आणि रिषभ पंत चौथ्या क्रमांकावर फलंदाजीला यावे. तो म्हणाला, “अगदी, हा प्रश्न आपल्याला मुद्द्यावर आणतो. चौथ्या क्रमांकावर कोण फलंदाजी करेल? केएल राहुल चौथ्या क्रमांकावर फलंदाजी करेल का? की साई सुदर्शन आणि रिषभ पंतपैकी एक दिसेल? चौथ्या क्रमांकासाठीची लढाई आता खुली आहे. इंग्लंड दौऱ्यावर जो कोणी चौथ्या क्रमांकावर खेळेल आणि धावा करेल, तो भविष्यातही या स्थानावर स्थान निश्चित करेल. माझ्या मते, शुबमन गिल आणि यशस्वी जयस्वाल यांनी सलामीला यावे. साई सुदर्शनने तिसऱ्या क्रमांकावर आणि रिषभ पंतने चौथ्या क्रमांकावर यावे.” (Virender Sehwag says Rishabh Pant should bat at number four on England tour)
