जेव्हा गावस्कर म्हणाले होते, ‘ए चल फूट…’, थ्रोबॅक व्हिडिओ शेअर करत वीरूकडून बड्डेच्या हटके शुभेच्छा

भारतीय संघाचे माजी कर्णधार सुनील गावसकर हे आज आपला ७२ वा वाढदिवस साजरा करत आहेत. याच प्रसंगी अनेक दिग्गज खेळाडूंनी त्यांना वाढदिवसाच्या शुभेच्छा दिल्या आहेत. अशातच माजी विस्फोटक फलंदाज वीरेंद्र सेहवागने देखील त्यांना एक जुना व्हिडिओ शेअर करत वाढदिवसाच्या शुभेच्छा दिल्या आहेत.

भारतीय संघाचा विस्फोटक फलंदाज वीरेंद्र सेहवाग हा सोशल मीडियावर प्रचंड सक्रिय असतो. तो आपल्या वक्तव्यामुळे आणि मजेशीर ट्विटमुळे नेहमीच चर्चेत असतो. अशातच त्याने दिग्गज क्रिकेटपटूंना वाढदिवसाच्या शुभेच्छा देण्यासाठी एक व्हिडिओ शेअर केला आहे. ज्यामध्ये सुनील गावसकर समालोचन करताना दिसून येत आहेत.

यादरम्यान ते म्हणत आहेत की, “मला तुझ्यासोबत काहीच बोलायचं नाही, चल फूट इथून.”

सेहवागने या व्हिडिओला कॅप्शन देत लिहिले की, “असच काही दिग्गज सुनील गावसकर त्या गोलंदाजांना म्हणायचे, जे गोलंदाज त्यांना बाद करण्याच्या प्रयत्नात असायचे.”(Virender Sehwag shared old video clip on Sunil Gavaskar birthday saying chal phut)

https://www.instagram.com/p/CRIjZlvBvo6/?utm_source=ig_web_copy_link

सुनील गावसकर यांच्या वाढदिवशी सचिन तेंडुलकर, वीवीएस लक्ष्मण या दिग्गजांनी शुभेच्छांचा वर्षाव केला आहे. सुनील गावसकर यांनी ८० च्या दशकातील बलाढ्या वेस्ट इंडिज संघाविरुद्ध देखील उल्लेखनीय कामगिरी केली आहे. त्यांनी वेस्ट इंडिज संघाविरुद्ध एकूण २७ कसोटी सामने खेळले आहेत. यात त्यांनी ६५.४५ च्या सरासरीने २८४९ धावा केल्या होत्या. यामध्ये त्यांनी १३ शतक झळकावले होते.

सुनील गावसकर यांनी भारतीय संघासाठी एकूण १२५ कसोटी सामने खेळले आहेत. ज्यामध्ये त्यांनी १०,१२२ धावा केल्या होत्या. तसेच १०८ वनडे सामन्यात, त्यांनी ३०९२ धावा केल्या होत्या. दिग्गज सुनील गावसकर हे कसोटी क्रिकेटमध्ये १० हजार धावांचा पल्ला गाठणारे पहिलेच क्रिकेटपटू होते.

क्रिकेटमधून निवृत्ती जाहीर केल्यानंतर त्यांनी गेली अनेक वर्ष  समालोचन क्षेत्रात मोलाचे योगदान दिले आहे. ते इंग्रजी आणि हिंदी या दोन्ही भाषेत समालोचन करतात. सध्या ते इंग्लंडमध्ये आहेत. विश्वकसोटी अजिंक्यपद स्पर्धेच्या अंतिम सामन्यात समालोचन केल्यानंतर ते आता आगामी द हंड्रेड स्पर्धेत समालोचन करणार आहेत.

महत्वाच्या बातम्या-

टोकियो ऑलिंपिकसाठी भारतीय पथकाला क्रिकेटपटूंनीही दिल्या शुभेच्छा, बीसीसीआयने शेअर केला व्हिडिओ

मालिका पुढे ढकलण्याबरोबरच श्रीलंका क्रिकेट बोर्डाकडे बीसीसीआयने केली होती ‘ही’ मोठी मागणी

रिचा घोषमध्ये दिसली धोनीची झलक, विजेच्या वेगाने फलंदाजाला केले यष्टिचीत, पाहा व्हिडिओ