भारताचा युवा क्रिकेटपटू हनुमा विहारीने मागील काही सामन्यांमध्ये चांगली कामगिरी करत सर्वांना प्रभावित केले आहे. मात्र अजून त्याला मर्यादित षटकांच्या क्रिकेटसाठी भारतीय संघामध्ये स्थान मिळालेले नाही.
त्यामुळे त्याला भारताचा माजी कर्णधार एमएस धोनीबरोबर अजून ड्रेसिंग रुम शेअर करता आलेली नाही. कारण धोनीने डिसेंबर 2014मध्येच कसोटी क्रिकेटमधून निवृत्ती घेतली आहे. याबद्दल विहारीने त्याचे तेवढे नशीब नाही असे म्हटले आहे.
टाइम्स नाऊशी बोलताना विहारीला जेव्हा विचारण्यात आले की त्याला धोनीबरोबर ड्रेसिंगरुम अजून शेअर करता न आल्याचा खेद वाटतो का, यावर विहारी म्हणाला, ‘मला एमएस धोनीबरोबर ड्रेसिंग रुम शेअर करायला नक्कीच आवडले असते.’
‘पण मला याचा खेद वाटतो असे म्हणणार नाही तर मी त्याच्याबरोबर ड्रेसिंगरुम शेअर करता येईल एवढा नशीबवान नाही. परंतू कदाचीत भविष्यात मला ती संधी मिळेल.’
विहारीने इंग्लंड विरुद्ध कसोटी सामन्यातून आंतरराष्ट्रीय क्रिकेटमध्ये पदार्पण केले होते. या सामन्यात त्याने अर्धशतक केले होते. तसेच काही महत्त्वाच्या विकेट्स घेतल्या होत्या. त्यातील एक विकेट ही इंग्लंडचा माजी कर्णधार ऍलिस्टर कूकची होती.
त्यामुळे त्याच्या या कामगिरीने सर्वांचेच लक्ष वेधले होते. त्याचबरोबर त्याने ऑस्ट्रेलिया दौऱ्यात भारताकडून सलामीला फलंदाजी देखील केली होती.
त्याने 23 मार्चपासून सुरु होणाऱ्या आयपीएल स्पर्धेत चांगली कामगिरी करुन मर्यादित षटकांच्या क्रिकेटसाठी भारतीय संघात स्थान मिळवण्याचा प्रयत्न करणार असल्याचीही भावना यावेळी व्यक्त केली आहे.
महत्त्वाच्या बातम्या –
–५ चेंडूत २ धावा हव्या असताना आणि ४ विकेट्स बाकी असतानाही संघ हरला, जाणून घ्या कसा
–दुसऱ्या वनडेत ग्लेन मॅक्सवेलने केली फेक फिल्डिंग, पंचांनी केली नाही कोणतीही शिक्षा
