भारत आणि दक्षिण आफ्रिका यांच्यात 5 सामन्यांची टी20 मालिका खेळली जात आहे. या मालिकेत आतापर्यंत 2 सामने झाले आहेत, तर एक सामना दाट धुक्यामुळे रद्द करण्यात आला होता. भारतीय संघाने पहिला आणि तिसरा सामना जिंकला आहे, तर दक्षिण आफ्रिकेने दुसरा सामना जिंकला होता.
भारतीय संघ मालिकेत 2-1 ने पुढे आहे. आता दोन्ही संघांचे लक्ष मालिकेतील शेवटच्या सामन्यावर लागले आहे. चला तर मग, या शेवटच्या सामन्याच्या लाईव्ह स्ट्रीमिंगच्या सर्व तपशीलांवर एक नजर टाकूया.
भारत आणि दक्षिण आफ्रिका यांच्यातील पाचवा सामना (19 डिसेंबर) रोजी अहमदाबादच्या नरेंद्र मोदी स्टेडियमवर खेळवला जाईल. भारतीय वेळेनुसार हा सामना संध्याकाळी 7:00 वाजता सुरू होईल, तर टॉस 6:30 वाजता होईल. या सामन्याचे लाईव्ह स्ट्रीमिंग ‘जिओहॉटस्टार’ (JioHotstar) वर केले जाईल. तुम्ही हा सामना जिओहॉटस्टार ॲपवर मोफत पाहू शकता. तसेच, टीव्हीवर या सामन्याचे थेट प्रक्षेपण स्टार स्पोर्ट्स नेटवर्कवर केले जाईल
पाचव्या टी20 सामन्यात संजू सॅमसनला संधी मिळू शकते. कारण चौथ्या टी20 सामन्यापूर्वी शुभमन गिल जखमी झाला होता आणि तो संघाबाहेर गेला होता. अशा परिस्थितीत, पाचव्या टी20 सामन्यात संजू सॅमसन सलामीवीर म्हणून गिलच्या जागी खेळताना दिसू शकतो.
