मँचेस्टर कसोटीच्या पहिल्या दिवशी रिषभ पंतला दुखापत झाली. या दुखापतीमुळे रिषभ पंत मालिकेतील शेवटच्या सामन्यातून बाहेर पडला आहे. आता बीसीसीआयने त्याच्या जागी दुसऱ्या खेळाडूचा शोध सुरू केला आहे. निवडकर्त्यांची पहिली पसंती असलेला इशान किशन निवडीसाठी उपलब्ध नाही. 2 वर्षांपासून संघात प्रवेश करण्यास अडचणीत असलेल्या किशनने आता संधी असून सुद्धा आपले नाव मागे का घेतले. सध्या सर्व चाहत्यांच्या मनात हा प्रश्न आहे. ज्याचे उत्तर आता भेटले आहे.
इंग्लंडविरुद्धच्या पाचव्या कसोटीसाठी टीम इंडियाचे निवडकर्ते यष्टीरक्षक शोधत आहेत. ईशान किशन हा सर्वांची पहिली पसंती होता, परंतु त्याने बीसीसीआयला सांगितले की तो सध्या निवडीसाठी उपलब्ध नाही. टाईम्स ऑफ इंडियाच्या वृत्तानुसार, किशन स्कूटरवरून पडला. त्यामुळे त्याच्या डाव्या पायाला 10 टाके लागले आहेत. गुरुवारी त्याचे टाके काढण्यात आले, परंतु त्याच्या डाव्या घोट्यावर अजूनही प्लास्टर आहे. ज्यामुळे किशन 2 वर्षांनंतरही टीम इंडियामध्ये पुनरागमन करू शकला नाही. किशनच्या जागी तामिळनाडूच्या एन जगदीशनला टीम इंडियामध्ये पहिली संधी मिळू शकते.
दुखापतीमुळे ही संधी हुकलेल्या किशनसाठी येणारा काळ खूप कठीण असेल. रिषभ पंतचे एकदिवसीय आणि टी-20 मध्ये स्थान सध्या दिसत नाही. टी-20 मध्ये, संजू सॅमसन हा केएल राहुल संघ व्यवस्थापनाची एकदिवसीय मध्ये पहिली पसंती बनला आहे. टी-20 मध्ये जितेश शर्मा आणि रिषभ पंत बॅकअप म्हणून एकदिवसीय मध्ये. 2023 च्या एकदिवसीय विश्वचषकानंतर किशनने ऑस्ट्रेलियाविरुद्ध 3 टी-20 सामने खेळले. तेव्हापासून तो भारतीय संघासाठी एकही सामना खेळलेला नाही.
