वेस्ट इंडीजविरुद्धची कसोटी मालिका पूर्ण झाल्यानंतर टीम इंडिया ऑस्ट्रेलियाच्या दौऱ्यावर जाईल. तिथे संघाला 3 वनडे आणि 5 कसोटी सामन्यांची मालिका खेळायची आहे (IND vs AUS). या दोन्ही मालिकांसाठी टीम इंडियाचं स्क्वाड जाहीर झालं आहे. या मध्ये विशेषतः वनडे टीममध्ये मोठा बदल दिसतो आहे. टीम इंडियाला ICC चॅम्पियन्स ट्रॉफी 2025 जिंकवणाऱ्या रोहित शर्माला (Rohit Sharma) कर्णधार पदावरून वगळण्यात आले आहे. त्याची जागा आता शुबमन गिलला (Shubman gill) नवीन वनडे कर्णधार म्हणून देण्यात आली आहे. यामागील 3 मुख्य कारणे आता स्पष्ट झाली आहेत.
टीम इंडिया ऑस्ट्रेलियाविरुद्धच्या वनडे मालिकेतून ICC वनडे वर्ल्ड कप 2027 ची तयारी सुरू करत आहे. त्यामुळे भारतीय संघ व्यवस्थापन आणि निवडकर्ते 38 वर्षीय रोहित शर्माला कर्णधार करू इच्छित नव्हते. याशिवाय, कसोटी कर्णधार म्हणून शुबमन गिलने आतापर्यंत आपली कामगिरी सिद्ध केली आहे. त्यामुळे व्यवस्थापनाचा त्याच्यावर विश्वास वाढला आहे आणि त्याला जास्त जबाबदारी देण्यास तयार आहे. भारतीय निवडकर्ते आता पुढील 4-5 वर्षांची टीम तयार करत आहेत. अशा परिस्थितीत गिलला जबाबदारी मिळणे जवळजवळ निश्चित आहे.
