आजकाल बॉलिवूडमध्ये चरित्रपटावरील सिनेमे खूप चर्चेत आहेत. असे चित्रपट लोकांना आवडतही आहेत. विशेष म्हणजे क्रिकेटपटूंच्या चरित्रपटांवरील सिनेमे सध्या येत आहे. आतापर्यंत एमएस धोनी, सचिन तेंडुलकर आणि कपिल देव यांसारख्या दिग्गज खेळाडूंवर चरित्रपटांची निर्मिती करण्यात आली आहे.
अशामध्ये आता भारताचा माजी क्रिकेटपटू युवराज सिंगला (Yuvraj Singh) प्रश्न विचारण्यात होता की, स्वत:च्या चरित्रपटात कोणत्या अभिनेत्याला पहायला आवडेल? यावेळी युवराजने गंमतीशीरपणे उत्तर दिले.
युवराज हसत हसत म्हणाला की, जर असे झाले तर मी स्वत:च ही भूमिका करेल. परंतु असे करणे योग्य ठरणार नाही.
“कोणाला कोणती भूमिका द्यायची हा निर्णय दिग्दर्शकाच्या हातात असतो. परंतु जर बॉलिवूडमध्ये माझा चरित्रपट तयार होणार असेल तर मला असे वाटते की, सिद्धांत चतुर्वेदी (Siddhant Chaturvedi) हा उत्तम पर्याय आहे. सिद्धांतला चित्रपटात पाहुन मला आनंद होईल,” असे युवराज यावेळी म्हणाला.
विशेष म्हणजे सिद्धांतने ‘गली बॉय’ (Gully Boy) या चित्रपटात परिपूर्णतेने आपली भूमिका पार पाडली होती. त्याचप्रकारे त्याने युवराजच्या चरित्रपटात काम केले तर त्यामध्येही तो आपले सर्वोत्कृष्ट देईल.
यापूर्वी सिद्धांतने अनेक पुरस्कारही मिळविले आहेत. या चित्रपटात जेवढी प्रशंसा रणवीर सिंगची (Ranveer Singh) करण्यात आली तितकीच ओळख सिद्धांतला मिळाली.
ट्रेंडिंग घडामोडी-
-जर आयपीएल रद्द झाली तर विराट-रोहितचे किती होणार नुकसान
–आयपीएलच्या संघमालकांची यादी; चेन्नईच्या मालकाचे नाव ऐकून थक्क व्हाल…
-राजस्थान रॉयल्सला बसला मोठा धक्का; गोलंदाजाचा झाला भीषण अपघात