भारतीय संघाचा फिरकीपटू युजवेंद्र चहलची पत्नी धनश्री वर्मा सोशल मीडियावर सक्रिय असते. धनश्री नेहमी आपल्या चाहत्यांना सुंदर फोटो आणि व्हिडिओच्या माध्यमातून स्वतःबद्दल अपडेट देत असते. धनश्री सोशल मीडियाद्वारे आपल्या नृत्य कौशल्याचे सर्वांची मने जिंकते. याच दरम्यान नुकताच तिचा आणि पती युजवेंद्र चहलचा डान्सचा व्हिडिओ सोशल मीडियावर पोस्ट केला आहे. परंतु या व्हिडिओमध्ये चाहत्यांचे लक्ष धनश्री नाहीतर चहल आकर्षित करत आहे.
चहल आणि धनश्री यांच्या डान्सचा धुमाकूळ
धनश्री वर्माने आपल्या युट्युबवर संगीत सेरेमनीचा एक व्हिडिओ शेअर केला आहे. ज्यामध्ये धनश्रीसोबत युजवेंद्र चहल देखील डान्स करताना दिसून येत आहे. हे जोडपं ९०च्या दशकातील गाण्यावर जबरदस्त ठूमके घेत आहे.
धनश्री आणि चहलने पहिल्यांदा अक्षय कुमारच्या चित्रपटातील गाणे ‘चुरा के दिल मेरा’ यावर डान्स केला. त्यानंतर ‘सातो जनम तुझको पाते’ या गाण्यावर, तर शेवटी ‘तुमसे मिलके दिल का है जो हाल क्या कहे’ या गाण्यावर या दोघांनी डान्स केला. युजवेंद्र चहल आणि धनश्री वर्माचा हा व्हिडीओ सोशल मीडियावर मोठ्या प्रमाणात व्हायरल होत आहे.
चहल-धनश्री डिसेंबर 2020 मध्ये अडकले लग्न बेडीत
भारतीय संघाचा फिरकीपटू युजवेंद्र चहल आणि त्याची पत्नी धनश्री वर्मा हे क्रिकेट क्षेत्रातील एक प्रसिद्ध जोडपे आहे. ते नेहमी आपल्या चाहत्यांसोबत सुंदर फोटो आणि व्हिडिओ शेअर करत असतात. युजवेंद्र चहल आणि धनश्री वर्माचे लग्न डिसेंबर 2020 मध्ये झाले होते.
धनश्री आहे प्रसिद्ध कोरिओग्राफर
धनश्री वर्मा एक प्रोफेशनल डान्सर असून त्याचबरोबर ती कोरिओग्राफर आणि युट्युबर देखील आहे. धनश्री नेहमी आपल्या इंस्टाग्राम अकाउंटवर आपले डान्सचे व्हिडिओ शेअर करत असते. तिच्या व्हिडिओला चाहते देखील खूप पसंती दर्शवतात. तुम्हाला माहीतच असेल की, धनश्रीचा इंस्टाग्रामवर पेक्षा जास्त फॉलोअर्स आहेत. याच्या व्यतिरिक्त धनश्री वर्मा एक प्रोफेशनल दंतचिकित्सक आहे. धनश्रीने 2014मध्ये डी वाय पाटील डेंटल कॉलेजमधून ग्रॅज्युएशन केले आहे.
महत्त्वाच्या बातम्या-
ओह.. समथिंग समथिंग! ‘ते’ ट्वीट करताना पानेसरने अनुष्काला केले टॅग, नेटकऱ्यांकडून झाला ट्रोल
‘पाच मिलियन लोकसंख्येच्या देशाने, १.४ बिलीयनच्या देशाला धूळ चारली,’ वॉनचा भारताला टोमणा
‘ही’ एक गोष्ट शुभमन गिलला नडते, भारतीय दिग्गजाने साधला निशाणा
