चहलने सुधारली चूक! कार्तिकला रनआऊट करण्यात फुटला घाम, आधी चेंडू निसटला; मग घडलं असं काही

आयपीएल २०२२ हंगामात मंगळवारी (२६ एप्रिल) रॉयल चॅलेंजर्स बेंगलोर आणि राजस्थान रॉयल्स संघ आमने सामने होते. हा सामना राजस्थानने २९ धावांनी जिंकला. सामन्यादरम्यान एकवेळ अशी होती, जेव्हा सामना बेंगलोरच्या बाजूने जाताना दिसत होता. त्यांना विजयासाठी ४८ चेंडूंमध्ये ७७ धावांची गरज होती आणि त्यांच्या ५ विकेट्स बाकी होत्या. खेळपट्टीवर दिनेश कार्तिक आणि शाहबाज अहमद होते. या दोघांनीही यापूर्वी बेंगलोरला सामना जिंकून दिले आहेत. त्यामुळे या सामन्यातही त्यांच्याकडून अशाच खेळीची अपेक्षा होती, परंतु तसे झाले नाही. 

शाहबाजने अर्ध्यात आलेल्या कार्तिकला माघारी पाठवले
बेंगलोरच्या (RCB vs RR) डावातील १३व्या षटकात राजस्थानचा लेग स्पिनर युझवेंद्र चहल (Yuzvendra Chahal) टाकत होता. त्याच्या या षटकातील चौथ्या चेंडूवर असे काही झाले, ज्यामुळे संपूर्ण सामन्याचा कायापालट झाला. स्ट्राईकवर शाहबाज अहमद (Shahbaz Ahmed) हलक्या हाताने फटका खेळत एक धाव घेण्यासाठी प्रयत्नशील होता. पण चेंडू क्षेत्ररक्षण प्रसिद्ध कृष्णाच्या हातात गेला. हे पाहून शाहबाजचे मन बदलले आणि त्याने एक धाव घेण्यासाठी कार्तिकला (Dinesh Karthik) नकार दिला. परंतु तोवर कार्तिक खेळपट्टीच्या अर्ध्यात पोहोचला होता.

चहलने केली गडबड, परंतु शेवटी कार्तिक धावबाद
अशात कार्तिकने माघारी परतणे अवघड होते. परंतु तरीही त्याने परत जाण्यासाठी पूर्ण ताकद लावली. यादरम्यान कृष्णाने चेंडू थ्रो केला. परंतु युझवेंद्र चहलच्या हातून मोठी चूक झाली. तो पहिल्या संधीत चेंडू पकडू शकला नाही. गडबडीत चहलने मैदानावर पडलेला चेंडू एका हाताने पकडून तो यष्टीवर मारला. तोपर्यंत कार्तिक खेळपट्टीपर्यंत पोहोचू शकला नव्हता. मात्र चहलने नक्की चेंडू यष्टीला मारला होता की, हातानेच यष्ट्या उडवल्या होत्या, याची शंका मैदानी पंचांना होता. त्यामुळे तिसऱ्या पंचांकडे हा निर्णय गेल्यानंतर रिप्लेमध्ये कार्तिक स्पष्टपणे धावबाद असल्याचे (Dinesh Karthik Runout) दिसले. परिणामी त्याला ६ धावांवरच माघारी परतावे लागले.

व्हिडिओ पाहण्यासाठी येथे क्लिक करा

बेंगलोरने गमावला सामना
दरम्यान या सामन्यात प्रथम फलंदाजी करताना राजस्थानने २० षटकात ८ विकेट्सच्या नुकसानावर १४४ धावा केल्या. प्रत्युत्तरात बेंगलोरचा संघ १९.३ षटकांतच ११५ धावांवर सर्वबाद झाला.

महा स्पोर्ट्सचा व्हॉट्सअप ग्रुप जॉइन करण्यासाठी लिंकवर क्लिक करा

महा स्पोर्ट्सचा व्हॉट्सअप ग्रुप जॉइन करण्यासाठी इथे क्लिक करा

महत्त्वाच्या बातम्या-

आपल्या कुटुंबासह कुठे धमाल करतोय चेतेश्वर पुजारा? बघा निवांत मूडमधल्या क्रिकेटरचे फोटो

‘मला त्यांचा प्लॅन आधीच माहित होता’, सीएसकेच्या गोलंदाजांची दाणादाण उडवणाऱ्या धवनचा खुलासा

जेव्हा युवराजला पाहून चहलची टरकलेली; म्हणाला, ‘वाटलं होतं ६ षटकार मारेल’