चेन्नई संघाचा धडाकेबाज फलंदाज सुरेश रैनाने आजपर्यंत आयपीएलमध्ये नेहमीच चांगला खेळ केला आहे. त्याने या आयपीएलमध्येही आपला हा धडाका सुरुच ठेवला आहे. या मोसमात त्याने १३ सामन्यात फलंदाजी करताना ३९.१०च्या सरासरीने ३९१ धावा केल्या आहेत. यामुळे आयपीएलच्या प्रत्येक मोसमात कमीतकमी ३७० धावा करण्याचा विक्रम त्याच्या नावावर झाला आहे.
रैना आयपीएल इतिहासात सर्वाधिक दुसऱ्या क्रमांकाच्या धावा करणारा तसेच सर्वाधिक सामने खेळणारा खेळाडूही आहे. विशेष म्हणजे आजपर्यंत एकाही मोसमात रैनाने ३७० पेक्षा कमी धावा केलेल्या नाही.
यात रैनाने तब्बल ५ वेळा ४०० धावांचा टप्पा ओलांडला आहे. तर तीन वेळा ५०० धावांचा टप्पा पार केला आहे. तसेच त्याने दोन वेळाच ४०० पेक्षा कमी धावा केल्या आहेत. तसेच यावेळी त्याला ४०० धावा करण्याची मोठी संधी आहे.
रैनाने आजपर्यंत १७४ सामने खेळताना ३४.४८ च्या सरासरीने ४९३१ धावा केल्या आहेत. यात १ शतक तर ३५ अर्धशतके केली आहेत. तसेच त्याने यात २५ विकेट्सही घेतल्या आहेत.
रैनाला चेन्नई सुपर किंग्सने २००८ मध्ये संघात सामील करून घेतले होते. तेव्हापासून रैना २०१५ पर्यंत चेन्नई संघाकडूनच खेळला. मात्र त्यानंतर २०१६ आणि २०१७ असे दोन वर्ष चेन्नई संघावर स्पॉट फिक्सिंग प्रकरणी बंदी घालण्यात आली. त्यामुळे हे दोन वर्ष रैना गुजरात संघाकडून खेळला. तसेच त्याने या संघाचे कर्णधारपदही सांभाळले.
यावर्षी चेन्नईने आयपीएलमध्ये पुनरागमन करताना रैनाला लिलावाआधीच संघात कायम केले. त्याच्याबरोबरच चेन्नईने कर्णधार एमएस धोनी आणि रवींद्र जडेजा या खेळाडूंनाही संघात कायम केले.
रैनाने यावर्षी एकवर्षांच्या प्रतीक्षेनंतर पुन्हा एकदा भारतीय संघातही स्थान मिळवले आहे.
आयपीएलच्या ११ मोसमातील रैनाची कामगिरी:
४२१ धावा आणि १ विकेट – २००८
४३४ धावा आणि ७ विकेट्स – २००९
५२० धावा आणि ६ विकेट्स- २०१०
४३८ धावा आणि ४ विकेट्स- २०११
४४१ धावा आणि २ विकेट्स- २०१२
५४८ धावा आणि १ विकेट- २०१३
५२३ धावा आणि १ विकेट- २०१४
३७४ धावा आणि २ विकेट्स- २०१५
३९९ धावा आणि विकेट्स नाही – २०१६
४४२ धावा आणि १ विकेट- २०१७
३९१ धावा आणि ० विकेट- २०१८
महत्त्वाच्या बातम्या-
–तब्बल ११ आयपीएल वाट पहावे लागले आणि अखेर काल तो विक्रम घडलाच!
–व्हिडिओ व्हायरल- मुंबई हारली, पंजाब संघाची मालकीण प्रीती झिंटा खुष
–कोण आहे रोहित शर्मा? शेजारी बसलेल्या प्रवाशाने रोहितला पाहताच काय केले पहा?
–रैनाच आहे आयपीएल विक्रमांचा बादशाह, रोहितचा विक्रम दोन दिवसात मोडला
–फक्त या कारणामुळे झाला मुंबई इंडियन्सचा पराभव?