आज भारत विरुद्ध दक्षिण आफ्रिका यांच्यात विश्वचषकातील ८वा सामना होणार असुन भारतीय संघाचा पहिलाच सामना आहे. हा सामना भारतीय संघासाठी आपले विजयी अभियान सुरु करण्यासाठी अतिशय महत्त्वाचा आहे तर इंग्लंड आणि बांगलादेशविरुद्ध सपाटून मार खाणाऱ्या दक्षिण आफ्रिकेसाठी विजयाच्या मार्गावर परतण्यासाठी तितकाच महत्त्वाचा आहे.
या विश्वचषकात सर्वाधिक चर्चा होत असलेला संघ म्हणजेच टीम इंडिया. भारतीय संघातील प्रत्येक खेळाडूच्या कामगिरीचे सध्या सतत चाहते, विश्लेषक आणि समालोचकांकडून विश्लेषण केले जात आहे. त्यामुळे भारताच्या सर्वच खेळाडूंवर यावेळी लक्ष असणार आहे.
गेली काही वर्ष भारतीय संघातील सलामीची जागा समर्थपणे सांभाळणाऱ्या रोहित शर्माला आज एक खास विक्रम करण्याची संधी आहे. जर रोहितने आज शतकी खेळी केली तर वनडे भारतीय फलंदाजांमध्ये सर्वाधिक शतके करणाऱ्या खेळाडूंच्या यादीत तो तिसऱ्या स्थानी येईल.
रोहितने २०६ सामन्यात वनडे २२ शतके केली आहेत तर भारतीय संघाचा माजी कर्णधार सौरव गांगुलीनेही ३०८ सामन्यात २२ शतके केली आहेत.
मास्टर ब्लास्टर सचिन तेंडूलकरने ४६३ सामन्यात ४९ तर विराट कोहलीने २२७ सामन्यात ४१ शतके केली आहेत. यामुळे जर रोहितने आज शतकी खेळी केली तर सचिन, विराट पाठोपाठ सर्वाधिक शतके करणाऱ्या खेळाडूंच्या यादीत तो तिसऱ्या स्थानी येईल.
आजच्या सामन्यासाठी असे असू शकतात संभाव्य संघ –
भारत – विराट कोहली (कर्णधार), रोहित शर्मा, शिखर धवन, केएल राहुल, एमएस धोनी, हार्दिक पंड्या, रविंद्र जडेजा, कुलदीप यादव, मोहम्मद शमी, भुवनेश्वर कुमार, जसप्रीत बुमराह.
दक्षिण आफ्रिका – फाफ डु प्लेसिस, क्विंटॉन डी कॉक, हाशिम आमला, एडन मार्करम, डेविड मिलर, जेपी ड्यूमिनी, रस्सी वॅन दर दसन, अँडील फेहलुक्वायो, कागिसो रबाडा, इम्रान ताहिर, ड्वेन प्रीटोरियस.
क्रीडा क्षेत्रातील ताज्या घडामोडी, बातम्या, सदरे आणि विशेष लेखांसाठी लाईक करा महा स्पोर्ट्सचे फेसबुक पेज. आपणास व्हाॅट्सअपच्या माध्यमातून हे सर्व हवे असेल तर आम्हाला 9860265261 या व्हाॅट्सअप क्रमांकावर Join Maha असा मेसेज नक्की करा.
महत्त्वाच्या बातम्या –
–ऑस्ट्रेलियाचा हा दिग्गज गोलंदाज म्हणतो, धोनी भारतासाठी महत्त्वाचा घटक…
–विश्वचषक २०१९: दक्षिण आफ्रिकेला धक्का; डेल स्टेन विश्वचषकातून बाहेर, या खेळाडूला मिळाली संधी
–या दिग्गज फुटबॉलपटूने भारताची जर्सी घालून कर्णधार कोहलीला दिल्या विश्वचषकासाठी खास शुभेच्छा