क्रिकेटमध्ये अनेक मजेदार गोष्टी पाहायला, ऐकायला मिळत असतात. तसंच इंग्लंडमधील साउथविक आणि शोरहॅम क्रिकेट क्लबनं खेळाडूंना षटकार मारण्यास बंदी घातली आहे. या बंदीच्या मागे एक अतिशय रंजक कथा दडलेली आहे. या मैदानाजवळ राहणाऱ्या लोकांनी त्यांच्या मालमत्तेचे नुकसान झाल्याची तक्रार दाखल केल्यानंतर हा निर्णय घेण्यात आला आहे.
मैदानाजवळ राहणाऱ्या लोकांचे नुकसान होऊ नये. म्हणून या क्रिकेट क्लबनं आश्चर्यकारक नियम केला आहे. जेव्हा एखादा खेळाडू पहिला षटकार मारेल तेव्हा त्याला एक इशारा म्हणून पाहिला जाईल आणि ज्या संघाच्या खेळाडूनं षटकार मारला असेल त्या संघाला एकही धाव मिळणार नाही. ज्या खेळाडूनं षटकार मारला त्या खेळाडूला बाद घोषित केले जाईल. असा नियम त्या क्लबनं केला आहे.
या निर्णयाबाबत माहिती देताना साउथविक आणि शोरहॅम क्रिकेट क्लबचे खजिनदार मार्क ब्रॉक्सअप यांनी सांगितले की, विमा आणि कायदेशीर प्रक्रियेमुळे होणारा खर्च टाळण्यासाठी त्यांनी हा नियम केला आहे. तो म्हणाला, “जुन्या काळी क्रिकेट शांत वातावरणात खेळले जायचे. पण टी20 आणि मर्यादित षटकांचे क्रिकेट आल्यानंतर या खेळात अधिक आक्रमकता दिसू लागली आहे. खरं तर, स्टेडियमजवळ राहणारा एक 80 वर्षीय व्यक्ती म्हणाला, आजकाल खेळाडू इतके उत्साही झाले आहेत की त्यांना षटकार मारण्यासाठी स्टेडियमही अपुरं पडत आहे.”
महत्त्वाच्या बातम्या-
मितांश, यशश्रीची हॉकी महाराष्ट्र सब-ज्युनियर संघांच्या कर्णधारपदी निवड
बांगलादेशच्या हातामधून निसटणार टी20 विश्वचषकाचे यजमानपद?
भारत विरुद्ध श्रीलंका मालिकेचे सामने घरबसल्या लाईव्ह कुठे पाहता येणार? जाणून घ्या