लगीनघाई! राहुल अन् अथियाच्या संगीत सेरेमनीचा व्हिडिओ व्हायरल; खंडाळ्यात किती वाजता घेणार सात फेरे?

भारतीय संघाचा विस्फोटक फलंदाज केएल राहुल हा सोमवारी (दि. 23 जानेवारी) बॉलिवूड अभिनेत्री अथिया शेट्टी हिच्यासोबत लग्न करणार आहे. अभिनेता सुनील शेट्टी याची मुलगी अथियाचे लग्न खंडाळा येथे होणार आहे. खरं तर, खंडाळा येथे सुनील शेट्टीचे स्वत:चे फार्महाऊस आहे. इथेच राहुल आणि अथिया सात फेरे घेणार आहेत. त्यांच्या लग्नापूर्वीच्या कार्यक्रमांना सुरुवातही झाली आहे. तसेच, त्यांच्या संगीत कार्यक्रमाचे व्हिडिओ सोशल मीडियावर जोरदार व्हायरल होत आहे. क्रिकेटपटू वरुण ऍरॉन, सेलिब्रिटी फोटोग्राफर रोहन श्रेष्ठ, ऋतिक भसीन आणि पंजाबी गायक गिप्पी ग्रेवाल यांनीही कार्यक्रमात उपस्थिती दर्शवली.

केएल राहुल आणि अथिया शेट्टी संगीत कार्यक्रम
केएल राहुल आणि अथिया शेट्टी यांच्या संगीत कार्यक्रमाचे अनेक व्हिडिओ समोर येत आहेत. माध्यमांतील वृत्तांनुसार, यामध्ये अथियाची आई माना शेट्टी आणि अभिनेत्रीचा भाऊ अहान शेट्टी यांनी यादरम्यान परफॉर्मही केला. त्यांच्या संगीत कार्यक्रमात त्यांच्या जवळच्या मित्रपरिवारातील लोक सामील झाले. त्यात रोहन श्रेष्ठ, क्रिकेटपटू वरुण ऍरॉन, ऋतिक भसीन आणि गिप्पी ग्रेवाल यांचा समावेश होता. अभिनेत्रीची मैत्रीण आकांक्षा रंजन कपूर हिनेदेखील यावेळी डान्स केला. दुसरीकडे, गायक मिका सिंग यानेही परफॉर्मन्स केला.

https://www.instagram.com/reel/CnuPUatj2UN/?utm_source=ig_embed&ig_rid=ec7e59b6-48b6-49a9-99c7-a433dbddafdb

राहुल आणि अथिया किती वाजता घेणार फेरे?
सोशल मीडियावर व्हिडिओ व्हायरल होत आहेत, त्यामध्ये दिसते की, संपूर्ण फॉर्महाऊस फुलांनी आणि लाईट्सने सजवले आहे. यामध्ये शेफही दिसत आहेत. त्यावरून दिसत आहे की, पाहुण्यांसाठी जेवणाची खास व्यवस्थाही करण्यात आली आहे. वृत्तांमध्ये असेही म्हटले जात आहे की, राहुल आणि अथियाच्या लग्नात जवळपास 100 पाहुणे सामील होतील. माध्यमांतील वृत्तांनुसार, या जोडप्याचे लग्न सायंकाळी 4 वाजता पार पडेल. तसेच, लग्नानंतर जवळपास 6.30 वाजता जोडपे पॅपराजींना भेटतील.

https://www.instagram.com/reel/CnuPOgLhhk-/?utm_source=ig_embed&ig_rid=b2513453-eafe-4cc5-bbd6-a5543946b353

https://www.instagram.com/p/CnuPhgEP8Tw/?utm_source=ig_embed&ig_rid=dba39050-0e82-4fc9-af01-1a412cd9fdd4

लग्नानंतर पॅपराजींना भेटणार राहुल आणि अथिया
एक दिवसापूर्वी सुनील शेट्टी याने त्याच्या घराबाहेर माध्यमांशी संवाद साधताना म्हटले होते की, “उद्या मुलांना घेऊन येतो. खूप खूप धन्यवाद. तुम्ही ज्याप्रकारे प्रेम दिले, त्यासाठी खूप खूप धन्यवाद.”

खरं तर, अथिया शेवटची 2019मध्ये रिलीज झालेल्या ‘मोतीचूर चकनाचूर’ सिनेमात झळकली होती. तिने 2015मध्ये सूरज पांचोलीसोबत ‘हिरो’ या सिनेमातून बॉलिवूड पदार्पण केले होते. दुसरीकडे, केएल राहुलबद्दल बोलायचं झालं, तर तो न्यूझीलंडविरुद्ध सध्या सुरू असलेल्या 3 सामन्यांच्या वनडे मालिकेतून बाहेर आहे. (actress athiya shetty and cricketer kl rahul sangeet ceremony video)

महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
फिटनेसमध्ये विराटपेक्षा कमी नाही फाफ, एसए20 लीगमधील पठ्ठ्याचा ‘हा’ व्हिडिओ पाहून तुम्हीही असंच म्हणाल
नवख्या रवांडाचा आणखी एक उलटफेर! विश्वविजेत्या वेस्ट इंडिजचाही उडविला धुव्वा