सोमवारी खेळल्या गेलेल्या सामन्यात रॉयल चॅलेंजर्स बंगळुरूने मुंबई इंडियन्सचा 12 धावांनी पराभव केला. 64 धावांची स्फोटक खेळी करणारा कर्णधार रजत पाटीदारला सामन्यातील सर्वोत्तम खेळाडू म्हणून निवडण्यात आले. त्याच्यासोबत विराट कोहलीनेही 67 धावांची शानदार खेळी केली. या मोठ्या विजयानंतरही कर्णधार पाटीदारला मोठे नुकसान सहन करावे लागले आहे. बीसीसीआयने त्याला 12 लाख रुपयांचा दंड ठोठावला आहे.
मुंबई इंडियन्सविरुद्धच्या सामन्यादरम्यान आरसीबीने स्लो ओव्हर-रेट राखल्यामुळे आरसीबीचा कर्णधार रजत पाटीदारला दंड ठोठावण्यात आला आहे. आयपीएल आचारसंहितेच्या कलम 2.2 अंतर्गत, जो किमान ओव्हर-रेट शिक्षेशी संबंधित आहे, त्याच्या संघाची हंगामातील हा पहिलाच शिक्षा होती, पाटीदारला 12 लाख रुपयांचा दंड ठोठावण्यात आला.
फिल साॅल्टच्या रूपाने पहिली विकेट पडल्यानंतर, विराट कोहलीने देवदत्त पडिक्कलसोबत 91 धावांची भागीदारी केली, त्यानंतर रजत पाटीदारसोबत 48 धावांची भागीदारी केली. 42 चेंडूत 67 धावा करून कोहली बाद झाला. कर्णधार पाटीदारने स्फोटक फलंदाजी केली. त्याने 32 चेंडूत 4 षटकार आणि 5 चौकारांच्या मदतीने 64 धावा केल्या. या खेळीसाठी त्याला सामन्यातील सर्वोत्तम (Man of the match) खेळाडू म्हणून निवडण्यात आले. आरसीबीने मुंबई इंडियन्ससमोर विजयासाठी 222 धावांचे लक्ष्य ठेवले होते.
लक्ष्याचा पाठलाग करताना मुंबई इंडियन्सची सुरुवात चांगली झाली नाही पण तिलक वर्मा आणि हार्दिक पांड्या यांच्या वादळी खेळीमुळे संघ विजयाच्या अगदी जवळ पोहोचला. मुंबईला विजयासाठी 12 चेंडूत 28 धावांची आवश्यकता होती, जोश हेझलवूडने 19व्या षटकाच्या पहिल्या चेंडूवर हार्दिक पांड्याची विकेट घेऊन आपल्या संघासाठी सामना मजबूत केला. त्यानंतर, शेवटच्या षटकात, कृणाल पंड्याने 19 धावांचा बचाव केला आणि 3 बळी घेतले.
