क्रिकेटमध्ये आपण असे अनेक क्षण पहिले आहेत, जेव्हा खेळाडू सामन्यात झालेला पराभव किंवा विजय विसरून त्यांच्या प्रतिस्पर्धी संघांचा आदर करतात. सामना जिंकण्यासाठी ते मैदानावर एकमेकांशी लढतात आणि सामन्यानंतर तेच खेळाडू एकमेकांसोबत मजा मस्ती करताना दिसून येतात. असेच एक दृश्य वेस्ट इंडिज आणि पाकिस्तान संघातील चौथा टी२० सामना झाल्यानंतर पाहायला मिळाले आहे. दोन्ही संघांदरम्यान खेळलेला शेवटचा टी२० सामना पावसामुळे रद्द झाला होता.
दोन्ही संघातील टी२० मालिका संपल्यानंतर वेस्ट इंडिज संघाचा खेळाडू ख्रिस गेल पाकिस्तान संघाच्या ड्रेसिंग रूममध्ये पोहोचला आणि खेळाडूंसोबत खूप मजा मस्ती केली. गेल व्यतिरिक्त वेस्ट इंडीज संघाचे इतर खेळाडू देखील क्रिकेटशी संबंधित गोष्टींची एकत्र चर्चा करताना दिसून आले. हा व्हिडिओ देखील सोशल मीडियावर मोठ्या प्रमाणात व्हायरल होत आहे.
हा व्हिडीओ पाकिस्तानच्या क्रिकेट बोर्डाने आपल्या अधिकृत इंस्टाग्राम अकाऊंटवरून शेअर केला आहे. त्याचबरोबर त्यांनी लिहिले की, ‘वेस्ट इंडीज आणि पाकिस्तान यांच्यातील मालिका संपल्यानंतर युनिव्हर्स बॉस पाकिस्तानच्या ड्रेसिंग रूममध्ये आले.’
या व्हिडिओमध्ये वेस्ट इंडिजचा स्फोटक फलंदाज ख्रिस गेल पाकिस्तानच्या ड्रेसिंग रूममध्ये पाकिस्तानी खेळाडूंसोबत चेष्टा करताना दिसून येत आहे. पुढे व्हिडिओत पाकिस्तानचा कर्णधार बाबर आझम वेस्ट इंडिजच्या निकोलस पूरनशी क्रिकेटवर बोलताना दिसून येत आहे. याशिवाय वेस्ट इंडिजचा खेळाडू आंद्रे फ्लेचर पाकिस्तानच्या खेळाडूंशी चर्चा करत आहेत.
https://www.instagram.com/tv/CSJnm0zIyyr/?utm_source=ig_web_button_share_sheet
मागील काही दिवसांपासून पाकिस्तान संघ ४ टी२० आणि २ कसोटी सामन्यांच्या मालिकेसाठी वेस्ट इंडिजच्या दौऱ्यावर गेला आहे. पहिला, तिसरा आणि चौथा टी२० सामना पावसाच्या व्यत्ययामुळे खेळता आला नाही. पाकिस्तानने दुसरा टी२० सामना ७ धावांनी जिंकला होता. त्यामुळे त्यांनी १-० च्या आघाडीसह टी२० मालिका खिशात घातली. वेस्ट इंडिज आणि पाकिस्तान संघांमधील कसोटी मालिका १२ ऑगस्टपासून खेळली जाणार आहे.
महत्त्वाच्या बातम्या-
आयपीएलपूर्वी न्यूझीलंडचा संघ करणार बांगलादेश दौरा, असे आहे पूर्ण वेळापत्रक
ENGvIND: कर्णधार कोहलीने अश्विनऐवजी का केली जडेजाची निवड? फिरकीपटूने सांगितले कारण
