संजूकडे टी२० विश्वचषकापूर्वी निवडकर्त्यांना प्रभावित करण्याची मोठी संधी, नेट्समध्ये तास-न्-तास गाळतोय घाम

इंडियन प्रीमियर लीगच्या १५ व्या हंगामात राजस्थान रॉयल्स तब्बल १४ वर्षांच्या काळानंतर अंतिम सामन्यात पोहोचला. कर्धणार संजू सॅमसन याने संघासाठी घेतलेल्या मेहनतीचे हे फळ म्हणावे लागेल. भारताचा युवा खेळाडूंचा संघ सध्या आयर्लंड दौऱ्याच्या तयारीत आहे आणि यष्टीरक्षक फलंदाज सॅमसनला या दौऱ्यासाठी संधी दिली गेली आहे. सॅमसनसाठी हा दौरा महत्वाचा असल्यामुळे तो नेट्समध्ये घाम गाळताना दिसत आहे.

आयर्लंडविरुद्ध भारताला २ सामन्यांची टी-२० मालिका खेळायची आहे. यावर्षी ऑस्ट्रेलियामध्ये होणाऱ्या टी-२० विश्वचषकापूर्वी निवडकर्त्यांवर प्रभाव टाकण्यासाठी सॅमसनकडे ही शेवटची संधी असू शकते. दौऱ्यापूर्वी त्याचा एक व्हिडिओ सोशल मीडियावर व्हायरल होत आहे. व्हिडिओत संजू सॅमसन (Sanju Samson) त्रिवेंद्रममध्ये फलंदाजीचा सराव करत आहे. तो दररोज तीन ते चार तास घाम गाळत असल्याची माहिती आहे. आयर्लंडमधील खेळपट्टीवर गोलंदाजांना अतिरिक्त गती आणि बाउंस मिळत असतो, त्यामुळे सॅमसन स्पेशल-थ्रोडाउनच्या माध्यमातून फलंदाजी करताना दिसला.

Sanju Samson preparations ahead of Ireland T20I series#INDvIRE #IREvIND pic.twitter.com/uXJjPBvKPm

— Cricket Mirror (@Cricket_Mirror_) June 20, 2022