रियान पराग किंवा हार्दिक पांड्या नव्हे तर ‘हा’ भारतीय क्रिकेटर आहे अनन्या पांडेचा क्रश

Ananya Panday Cricket Crush: क्रिकेटर्स आणि बॉलीवूडचे नाते खूप जुने आहे. गेल्या काही काळापासून क्रिकेट विश्वाच्या कॉरिडॉरमध्ये एका सुंदर अभिनेत्रीचे नाव सतत चर्चेत आहे. कोणत्या क्रिकेटपटूने तिला आपली क्रश म्हटले आहे, तर कोणी तिच्यासोबत ऍड शूट केल्याने चर्चेत आले आहे. मात्र, आता या अभिनेत्रीने स्पष्ट केले आहे की क्रिकेट विश्वात तिचा एकच क्रश आहे. आम्ही बोलत आहोत बॉलिवूडची स्टार अभिनेत्री अनन्या पांडेबद्दल.

एका मुलाखतीदरम्यान अनन्या पांडेला विचारण्यात आले की, तुमचा सध्याचा ‘सेलिब्रेटी क्रश’ कोण आहे? यावर उत्तर देताना तिने क्षणाचाही विचार न करता लगेच विराट कोहलीचे नाव घेतले. अनन्याचा हा व्हिडिओ सोशल मीडियावर मोठ्या प्रमाणात व्हायरल होत आहे. विराट कोहलीचे देशभरात लाखो चाहते आहेत. तो त्याच्या लूक आणि स्टाइलने बॉलिवूड सेलिब्रिटींना टक्कर देतो. तो अनेक अभिनेत्रींचा क्रश आहे.

परंतु हा व्हिडिओ समोर आल्यानंतर चाहते युवा क्रिकेटपटू रियान परागसाठी दुःख व्यक्त करत आहेत. मागे रियान परागच्या यूट्यूबवरील सर्च हिस्ट्रीचा स्क्रिनशॉट व्हायरल झाला होता. त्याच्या सर्च हिस्ट्रीमध्ये अनन्या पांडे हॉट असे सर्च केलेले दिसत होते. यावरुन अनन्या रियानची क्रश असल्याचे स्पष्ट झाले होते.

तसेच भारतीय क्रिकेटपटू शुभमन गिल आणि अनन्या पांडे एका जाहिरातीचे शूटिंग करत आहेत, ज्याचा व्हिडिओ शुभमनने त्याच्या इंस्टाग्राम पेजवर पोस्ट केला आहे. त्यानंतर सोशल मीडिया वापरकर्त्यांनी शुभमन गिलचे नाव अनन्यासोबत जोडायला सुरुवात केली आहे. यापूर्वी बऱ्याच प्रसंगी क्रिकेटर शुभमन गिल आणि सचिन तेंडुलकरची मुलगी सारा तेंडुलकर यांची नावे जोडली गेली आहेत.

अनन्या पांडेचे नाव हार्दिक पांड्यासोबतही जोडले गेले होते
काही काळापूर्वी भारतीय क्रिकेट संघाचा अष्टपैलू खेळाडू हार्दिक पांड्या आणि बॉलीवूड अभिनेत्री अनन्या यांच्या अफेअरच्या बातम्या झळकल्या होत्या. मात्र नंतर अनन्या आणि हार्दिक यांच्यात काहीही नाही, ही केवळ अफवा असल्याचे सिद्ध झाले होते. परंतु आता अनन्याने विराट कोहलीला तिचा ‘सेलिब्रेटी क्रश’ सांगितला आहे, यामुळे सर्व अफवांना पूर्णविराम मिळाला आहे.

महत्त्वाच्या बातम्या-

भारत-पाकिस्तान सामन्यात मोठा राडा! मैदानावरच भिडले दोन्ही संघांचे खेळाडू
मुंबई इंडियन्सकडून पदार्पण केलेल्या ‘या’ गोलंदाजापुढे स्टार फलंदाज गार
“भारतीय गोलंदाज इतरांपेक्षा वेगळे…” नव्या गोलंदाजी प्रशिक्षकाचे मोठे वक्तव्य