इंग्लंडचा वेगवान गोलंदाज जेम्स अँडरसनने काही दिवसांपूर्वीच ६०० कसोटी विकेट्सचा टप्पा पार केला. तो ६०० कसोटी विकेट्स घेणारा पहिला वेगवान गोलंदाज आहे. त्यामुळे आता ३८ वर्षीय अँडरसनची आता ७०० कसोटी विकेट्सवर नजर आहे. गेली १७ वर्षे अँडरसन आंतरराष्ट्रीय क्रिकेट खेळत आहे. कोणत्याही वेगवान गोलंदाजासाठी इतकी वर्षे सातत्याने खेळत रहाणे सोपी गोष्ट नसते. तरीही अँडरसनने ते करुन दाखवले आहे. वेगवान गोलंदाज म्हणून काम करणाऱ्या अँडरसनच्या गोलंदाजीत काय विशेष आहे ते जाणून घेऊया.
अँडरसनच्या यशाबद्दल माजी क्रिकेटपटू आणि क्रिकेट तज्ज्ञांचे मत
स्मुद अँक्शन प्रभावी बनविते
अतुल वासन टाईम्स ऑफ्स इंडियाशी बोलताना म्हणाले “तुम्ही अँडरसनच्या स्मुद गोलंदाजीची कृती पाहा, दशकापूर्वी त्याने काही महत्त्वपूर्ण बदल केले होते. या बदलामुळे त्याला अधिक वयापर्यंत खेळण्यास मदत मिळत आहे”.
अँक्शनमध्ये काय विशेष आहे
अँडरसन खेळपट्टीवर सहज धावतो आणि त्याची उडीही जास्त नाही आणि लँडिंग देखील योग्य आहे. त्याच्या अँक्शनबद्दल जसे बोलले जाते तशीच ती छान आहे. यामुळे त्यांच्या शरीरावर कोणतेही अतिरिक्त दबाव तयार होत नाही, जे त्यांच्या दीर्घकाळ खेळण्यास उपयुक्त ठरते.
अँडरसन कसोटी क्रिकेटमध्ये स्वत: ला स्थापित करण्याच्या त्याच्या योजनांवर बरेच आधी काम करू लागला. स्वत:ला शारीरिक आणि मानसिकदृष्ट्या तंदुरुस्त ठेवण्यासाठी अँडरसनने ५ वर्षांपूर्वी एकदिवसीय क्रिकेट सोडले आणि कसोटीवर लक्ष केंद्रित करण्यास सुरुवात केली आणि १० वर्षांपूर्वी त्याने टी२० क्रिकेट सोडले होते.
अँडरसन कोणत्याही लीग क्रिकेटमध्ये खेळत नाही
जगभरातील क्रिकेटपटू पैसे मिळविण्याच्या उद्देशाने जगभरात खेळल्या जाणार्‍या टी२० लीगमध्ये भाग घेतात. आंतरराष्ट्रीय क्रिकेटसह लीग क्रिकेट खेळत असताना आपल्याला नक्कीच पैसे मिळतात, परंतु शरीराला त्याची किंमत देखील मोजावी लागते. त्यामुळे दुखापत आणि तंदुरुस्तीशी संबंधित समस्या येतात. अँडरसन कधीही कोणत्याही लीग क्रिकेटमध्ये खेळला नाही.
मुरलीधरनचे ८०० विकेट्स आणि सचिनची १०० शतके एवढीच महान कामगिरी आहे.
कसोटी क्रिकेटमध्ये अँडरसनने घेतलेले ६०० विकेट्स, दिग्गज फिरकीपटू मुथय्या मुरलीधरनच्या ८०० कसोटी विकेट्स किंवा सचिन तेंडुलकरच्या १०० आंतरराष्ट्रीय शतकांच्या विक्रमाच्या बरोबरीचे असल्याचे वासनने म्हटले आहे. हे साध्य करण्यात मोठा त्याग लपलेला आहे. वेगवान गोलंदाजासाठी १७ वर्षे क्रिकेट खेळून १५६ कसोटी सामन्यांमध्ये भाग घेणे ही मोठी गोष्ट आहे.