बांग्लादेशला हरवून भारतीय संघाने चॅम्पियन्स ट्रॉफीमध्ये दमदार सुरुवात केली आहे. रविवारी भारत-पाकिस्तान असा सामना रंगणार आहे. पण, त्यापूर्वीच माजी भारतीय कर्णधर अनिल कुंबळे यांनी मुख्य प्रशिक्षक गौतम गंभीर यांना खास सल्ला दिला आहे. अनिल कुंबळे यांचे असे म्हणणे आहे की, गौतम गंभीर यांनी रोहित शर्मा, विराट कोहली यांसारख्या वरिष्ठ खेळाडूंच्या भविष्याबाबत काहीतरी निर्णय घ्यायला हवा. अनिल कुंबळे म्हणाले की, संघ बदलण्यासाठी कठीण निर्णय घेणाऱ्या प्रशिक्षकासाठी ही स्पर्धा खूप महत्त्वाची असते, परंतु प्रशिक्षक म्हणून तुम्हाला कठीण निर्णय घ्यावे लागतात.
भारतीय संघाचे मुख्य प्रशिक्षक गौतम गंभीर यांनी 2027 च्या एकदिवसीय विश्वचषकापूर्वी महत्त्वाचे निर्णय घ्यावेत कारण या स्पर्धेला फक्त 2 च वर्षे शिल्लक राहिले आहेत अशी अनिल कुंबळे यांची इच्छा आहे. याशिवाय, माजी लेग-स्पिनरचा असा विश्वास आहे की ही चॅम्पियन्स ट्रॉफी रोहित शर्मा व्यतिरिक्त विराट कोहली, रवींद्र जडेजा आणि मोहम्मद शमी यांसारख्या वरिष्ठ खेळाडूंसाठी खूप महत्त्वाची आहे. या स्पर्धेनंतर भारतीय संघात मोठे बदल शक्य आहेत. अनिल कुंबळे म्हणाले की, जर तुम्ही चॅम्पियन्स ट्रॉफीमध्ये पुन्हा हरलात किंवा जिंकलात तरी तुम्हाला तुमचे निर्णय लवकर घ्यावे लागतील
अनिल कुंबळे म्हणतात की मर्यादित षटकांच्या क्रिकेटमध्ये तुम्हाला तुमच्या रणनीतींवर काम करावे लागेल. विशेषतः, 2027 च्या एकदिवसीय विश्वचषकाची तयारी सुरू करावी. विश्वचषकासारख्या स्पर्धेपूर्वी तुम्हाला संघ म्हणून किमान 20-25 सामने खेळायचे आहेत. अशा प्रकारे तुम्हाला परिस्थितीची जाणीव होण्यास मदत होईल. चॅम्पियन्स ट्रॉफीनंतर तुम्ही वरिष्ठ खेळाडूंपेक्षा युवा खेळाडूंना प्राधान्य द्याल का? तथापि, गौतम गंभीरला हा निर्णय घ्यावा लागेल.
महत्वाच्या बातम्या:
शोएब अख्तर म्हणतोय तरी काय? भारताच्या विजयावर गोंधळलेलं वक्तव्य!
भारत विरुद्ध पाकिस्तान: कोणत्या फलंदाजांनी ठोकलीत सर्वाधिक शतके? टॉप-5 मध्ये किती भारतीय?
पाकिस्तानचा पराभव आणि दिग्गजाचा संताप! खेळाडूंना झणझणीत सुनावणी
