IND vs UAE: आशिया कप 2025 9 सप्टेंबरपासून सुरू होत असला तरी, भारतीय क्रिकेट संघ एक दिवसानंतर संयुक्त अरब अमिराती (UAE) विरुद्ध आपल्या मोहीमेला सुरूवात करेल. हा ग्रुप-अ मधील पहिला सामना देखील असेल. भारतीय संघ आधीच आपल्या कामगिरीने स्पर्धेत एक मजबूत दावेदार मानला जात आहे, तर दुसरीकडे, UAE आपल्या खेळाडूंच्या जोरावर आश्चर्यचकित करण्याच्या उद्देशाने मैदानात उतरेल. दोन्ही संघ विजयाने स्पर्धेची सुरुवात करण्यासाठी उत्सुक असतील. चाहत्यांसाठी सर्वात मोठा प्रश्न म्हणजे हा सामना कधी सुरू होईल आणि तो कुठे पाहता येईल.
भारत आणि यूएई यांच्यातील हा सामना बुधवार, 10 सप्टेंबर रोजी खेळला जाईल. हा सामना भारतीय वेळेनुसार रात्री 8 वाजता सुरू होईल. नाणेफेक सामना सुरू होण्याच्या अर्धा तास आधी म्हणजेच संध्याकाळी 7.30 वाजता होईल. हा सामना दुबई आंतरराष्ट्रीय क्रिकेट स्टेडियमवर खेळला जाईल, जिथे प्रेक्षकांची मोठी गर्दी होण्याची अपेक्षा आहे.
भारत विरुद्ध युएई सामना भारतातील सोनी स्पोर्ट्स नेटवर्कवर टीव्हीवर थेट प्रक्षेपित केला जाईल. चाहत्यांना हिंदी आणि इंग्रजी दोन्ही भाषांमध्ये समालोचनाचा आनंद घेता येईल. वीरेंद्र सेहवाग, इरफान पठाण, अजय जडेजा, विवेक राजदान, अभिषेक नायर, सबा करीम, गौरव कपूर, आतीश ठुकराल आणि समीर कोचर हे हिंदी समालोचन पॅनेलचा भाग आहेत. आशिया कपचे समालोचन तमिळ आणि तेलुगूमध्ये देखील उपलब्ध असेल.
क्रिकेट चाहते सोनी लिव्ह अॅप आणि वेबसाइटवर स्ट्रीमिंगचा आनंद घेऊ शकतात.
आशिया कप 2025 साठी भारतीय संघ: सूर्यकुमार यादव (कर्णधार), शुबमन गिल (उपकर्णधार), संजू सॅमसन, अभिषेक शर्मा, तिलक वर्मा, रिंकू सिंग, हार्दिक पांड्या, शिवम दुबे, कुलदीप यादव, अक्षर पटेल, जितेश शर्मा, हर्षित राणा, अर्शदीप सिंग, वरुण चक्रवर्ती, जसप्रीत बुमराह.
राखीव खेळाडू: प्रसिद्ध कृष्णा, वॉशिंग्टन सुंदर, रियान पराग, ध्रुव जुरेल आणि यशस्वी जयस्वाल.
आशिया चषक 2025 साठी युएई संघ: मुहम्मद वसीम (कर्णधार), अलिशान शराफू, आर्यनश शर्मा (यष्टीरक्षक), आसिफ खान, ध्रुव पराशर, एथन डी सौझा, हैदर अली, हर्षित कौशिक, जुनैद सिद्दीकी, मतिउल्ला खान, मोहम्मद फारूख, मोहम्मद जवादुल्ला, राहुल खान, झोले खान, मोहम्मद जवदुल्ला, झोले खान (विकेटकीपर). सिमरनजीत सिंग, सगीर खान
