ऑस्ट्रेलिया विरूद्ध श्रीलंका (Australia vs Sri Lanka) संघातील पहिला कसोटी सामना गाले आंतरराष्ट्रीय स्टेडियमवर खेळला जात आहे. दरम्यान ऑस्ट्रेलियाने पहिल्या डावात फलंदाजी करत धावफलकावर 654 धावसंख्या उभारली. ऑस्ट्रेलियासाठी सलामीवीर उस्मान ख्वाजाने (Usman Khawaja) सर्वाधिक 232 धावा केल्या. याशिवाय स्टीव्ह स्मिथने (Steve Smith) 141 धावांची खेळी खेळली. तर जोश इंग्लिशने (Josh Englis) 102 धावा केल्या.
ऑस्ट्रेलियाने आपला पहिला डाव 6 बाद 654 धावांवर घोषित केला. प्रत्युत्तरात श्रीलंकेचे टॉप-3 फलंदाज फलंदाजीसाठी आले आणि लवकर तंबूत परतले. त्याच वेळी, ऑस्ट्रेलियन वेगवान गोलंदाज मिचेल स्टार्कने (Mitchell Starc) दिमुथ करुणारत्नेला (Dimuth Karunaratne) बाद करून इतिहास रचला.
मिचेल स्टार्कने (Mitchell Starc) दिमुथ करुणारत्नेला (Dimuth Karunaratne) बाद करून आंतरराष्ट्रीय क्रिकेटमध्ये 700 विकेट्सचा टप्पा पूर्ण केला आहे. आतापर्यंत स्टार्कने कसोटी फाॅरमॅटमध्ये 377 विकेट्स घेतल्या आहेत. तर वनडेमध्ये त्याने 244 विकेट्स घेतल्या. याशिवाय, त्याने टी20 आंतरराष्ट्रीय सामन्यांमध्ये 79 विकेट्स आपल्या नावावर केल्या आहेत. अशाप्रकारे, मिचेल स्टार्कने त्याच्या आंतरराष्ट्रीय कारकिर्दीत 700 विकेट्स पूर्ण केल्या.
शेन वॉर्न (Shane Warne) हा ऑस्ट्रेलियाकडून कसोटी सामन्यांमध्ये सर्वाधिक विकेट्स घेणारा गोलंदाज राहिला आहे. वॉर्नच्या नावावर 708 कसोटी विकेट्स आहेत. त्याच वेळी, वेगवान गोलंदाज ग्लेन मॅकग्रा (Glenn McGrath) या यादीत दुसऱ्या स्थानावर आहे. ऑस्ट्रेलियाकडून कसोटी क्रिकेटमध्ये मॅकग्राने 563 विकेट्स घेतल्या. त्यानंतर ऑफस्पिनर नाथन लायन (Nathan Lyon) आहे. आतापर्यंत त्याने आपल्या कसोटी कारकिर्दीत 539 विकेट्स घेतल्या आहेत.
महत्त्वाच्या बातम्या-
चौथ्या टी20 सामन्यासाठी स्टार फलंदाजाचे पुनरागमन, जाणून घ्या भारताची संभाव्य प्लेइंग 11
“कोहलीला गोलंदाजी द्या” अरूण जेटली स्टेडियमवर चाहत्यांची मागणी, पाहा VIDEO
पदार्पणाच्या सामन्यातच ऑस्ट्रेलियन फलंदाजाची शतकी खेळी, श्रीलंका बॅकफूटवर