भारतीय संघाचा युवा फिरकी गोलंदाज अक्षर पटेल (axar patel) आता लवकरच लग्नबंधनात अडकणार आहे. अक्षर पटेलने त्याचा २८ वा वाढदिवस खूपच खास बनवला आहे. अक्षरने गुरुवारी (२० जानेवारी) त्याची मैत्रीण आणि प्रेयसी मेहा हिच्यासोबत साखरपुडा पार केला. अक्षरने मेहाला लग्न करण्याची मागणी घालण्यासाठी हा खास दिवस निवडला. त्याच्या वाढदिवशी त्याने मेहाला लग्नासाठी विचारले. त्याने मेहाला एका वेगळ्या अंदाजात लग्नासाठी प्रपोज केले.
अक्षर पटेलचा वाढदिवस २० जानेवारीला असतो. त्याचा जन्म २० जानेवारी १९९४ ला आणंदमध्ये झाला होता. मागच्या मोठ्या काळापासून मेहा आणि अक्षर एकमेकांना डेट करत होते. आता गुरुवारी अखेर त्यांचा साखरपुडा पार पडला आहे. मेहा एक न्यूट्रिश्निस्ट आणि डायटिशियन आहे. वाढदिवसाच्या दिवशी पार पडलेल्या साखरपुड्यात अक्षरने खास नियोजन केले होते. साखरपुड्याच्या कार्यक्रमात मोठ्या अक्षरांमध्ये “मॅरी मी” असे लिहिले होते. त्याने स्वतःच्या अधिकृत इंस्टाग्राम खात्यावरून साखरपुड्याचा फोटो शेअर केला आहे.
https://www.instagram.com/p/CY9bsjFvWDb/
मेहाने अक्षरसोबत रिलेशनशिपमध्ये असताना काही वर्षंपूर्वी स्वतःच्या हातावर त्याचे नाव देखील गोंदले आहे. मेहाच्या डाव्या हातावर “Aksh” असे लिहिलेले पाहायला मिळते. मेहासोबत साखरपुडा झाल्यामुळे अक्षर त्याचा २८ वा वाढदिवसी नेहमीच लक्षात ठेवेल.
दरम्यान, अक्षरने मागच्या वर्षा भारतासाठी कसोटी पदार्पण केले होते. २०२१ मध्ये इंग्लंड आणि भारत यांच्यात पाच सामन्यांची कसोटी मालिका खेळली गेली होती. याच मालिकेत अक्षरने स्वतःचे कसोटी पदार्पण केले. पदार्पणाच्या कसोटी मालिकेत त्याने अप्रतिम प्रदर्शन केले आहे. मालिकेतील पाच कसोटी सामन्यात त्याने ३६ विकेट्स घेतल्या होत्या.
भारतीय संघ सध्या दक्षिण अफ्रिका दौऱ्यावर आहे. दक्षिण अफ्रिका आणि भारत यांच्यातील एकदिवसीय मालिकेत अक्षर सहभागी नाहीये. दौऱ्यापूर्वी दुखापत झाल्यामुळे तो या मालिकेत सहभागी होऊ शकला नाही. दक्षिण अफ्रिकेविरुद्ध कसोटी मालिकेत भारताला १-२ असा पराभव मिळाला होता, तर एकदिवसीय मालिकेत भारताला पराभव पत्करावा लागला.
महत्वाच्या बातम्या –
‘झिरो’मुळे विराटचा सोशल मीडियावर होतोय बाजार, मीम्स व्हायरल करत चाहते साधतायत निशाणा
काहीतरी हटके अन् वाघासारखी डरकाळी! विकेट घेताच गोलंदाजाचे अनोखे सेलिब्रेशन, व्हिडिओ व्हायरल
व्हिडिओ पाहा –
