मुंबई ।आयसीसीने यंदा ऑस्ट्रेलियामध्ये होणारी टी 20 विश्वचषक स्पर्धा स्थगित केल्याने बीसीसीआयचा आयपीएल आयोजित करण्याचा मार्ग मोकळा झाला आहे. फ्रेंचायझी संघ आयपीएलच्या तयारीत व्यस्त असून खेळाडूही याबद्दल खूप उत्सुक आहेत. ऑस्ट्रेलियन दिग्गज खेळाडू आणि माजी डावखुरा लेगस्पिनर ब्रॅड हॉगनेही आयपीएलविषयी आपली भविष्यवाणी केली आहे.
ब्रॅड हॉग याने युएईमध्ये होणार्या या स्पर्धेत कोणता संघ यंदा आयपीएलचे विजेतेपद जिंकू शकेल आणि कोणता खेळाडू शानदार प्रदर्शन करून सामनावीर पुरस्कार मिळवू शकेल, याबद्दल भाकीत केले आहे.
ब्रॅड हॉगचा असा विश्वास आहे की, रॉयल चॅलेंजर्स बंगळुरू संघ, जो गेल्या 12 हंगामात जेतेपदाच्या शोधत आहे. त्यांच्याकडे संयुक्त अरब अमिरातीमध्ये होणारी स्पर्धा जिंकण्याची क्षमता आहे. यंदा विजय मिळवून त्यांचा विजेतेपदांचा दुष्काळ संपू शकेल.
यूट्यूबवर अपलोड केलेल्या व्हिडिओमध्ये हॉग म्हणाला की, ”बेंगळुरूला आयपीएल जिंकण्याची संधी आहे. कागदावर, तो नेहमीच दावेदार होता, परंतु तो कधीही जिंकला नाही. आता संघाकडे टॉप ऑर्डरमध्ये एरोन फिंच आहे. तो पॉवरप्लेमध्ये सर्वोत्कृष्ट प्रदर्शन करू शकतो. तो वेगाने धावा करू शकतो आणि कोहली आणि अब्राहम डीव्हिलियर्सवरील दबाव कमी होऊ शकतो. डेल स्टेन आणि केन रिचर्डसनच्या उपस्थितीमुळे त्यांचे वेगवान गोलंदाजीचे आक्रमण अधिक चांगले दिसते. या वेळी त्यांच्या संघात संतुलन दिसून येतोय. त्यांच्याकडे स्पर्धेत जाण्यापूर्वी चांगली रणनीती असेल.”
आरसीबी नंतर आयपीएल 13 च्या विजयाचा दुसरा दावेदार म्हणून ब्रॅड हॉगने मुंबई इंडियन्सची निवड केली. तो म्हणाला, “यामागचे कारण म्हणजे मुंबईजवळचे अव्वल दर्जाचे चार फलंदाज आहेत. त्याच्याकडे नेहमीच अष्टपैलू खेळाडू असतात. जसप्रीत बुमराह आणि लसिथ मलिंगा हे दोन खेळाडू डेथ-ओव्हर्स भेदक गोलंदाजी करतात.”
“दुखापतीतून परतलेला मुंबईचा अष्टपैलू हार्दिक पंड्या ‘मॅन ऑफ द टूर्नामेंट’ चा पुरस्कार मिळवू शकेल. तो बर्याच दिवसांनी परत येत आहे. लवकरच तो वडील होणार आहे. मला वाटते की या गोष्टींमुळे त्याला ऊर्जा मिळेल,” कसे ब्रॅड हॉगने सांगितले.
महत्त्वाच्या बातम्या-
–१९८३ विश्वविजेत्या भारतापेक्षा पाकिस्तानच्या खेळाडूंना मिळाले होते २६पट जास्त पैसे, रमीज राजाने शेअर केला फोटो
–आयर्लंडच्या क्रिकेटरला होतोय स्टेडियमधील खुर्च्यांचा त्रास, चेंडू शोधायला जातोय खूप वेळ
–आयपीएल २०२०साठी हा संघ सर्वात आधी जाणार दुबईला, काहाही करुन जिंकायची आहे आयपीएल ट्रॉफी
वाचनीय लेख-
–क्रिकेट वेडापायी वसईचा पाटील खेळला युएईकडून; कर्णधार होऊन केले भारताविरुद्धच दोन हात, वाचा संपुर्ण स्टोरी
–झिम्बाब्वेला क्रिकेटमध्ये मानाचे स्थान मिळवून देणाऱ्या ऍलिस्टर कॅम्पबेलची कारकिर्द एक अध्याय ठरली
–टेस्ट इनिंग्स स्पेशल भाग ४- शैलीच्या विपरीत खेळत डिविलीयर्सने २२० चेंडूत ३३ धावा केल्या, परंतू क्रिकेटरसिकांच्या हृदयात..
