मोहाली। आज किंग्ज इलेव्हन पंजाब विरुद्ध सनरायझर्स हैद्राबाद संघात पार पडलेल्या सामन्यात पंजाबने 15 धावांनी विजय मिळवला. या सामन्यात ख्रिस गेलने शतकी खेळी करून पंजाबच्या विजयात महत्वाची कामगिरी बजावली.

त्याचबरोबर त्याने त्याची मुलगी ख्रिसलियानाला तिच्या वाढदिवसाची खास भेट म्हणून हे शतक तिला समर्पित केले आहे. तिचा उद्या(20एप्रिल) दुसरा वाढदिवस आहे.

तसेच गेल म्हणाला, “मला फक्त स्वत:ला सिद्ध करायच होत आणि जगाने माझ्या नावाचा आदर करावा. पण मला हे शतक माझ्या मुलीला समर्पित करायच आहे. तिचा उद्या वाढदिवस आहे.”

https://twitter.com/lionsdenkxip/status/987007541849673729

गेलने आज तब्बल 11 षटकार आणि 1 चौकारासह 63 चेंडूत नाबाद 104 धावा केल्या आहेत. हे त्याचे आयपीएलमधील 6 वे शतक आहे. तसेच तो आयपीएलमध्ये सर्वाधिक शतके करणाऱ्या फलंदाजांमध्ये अव्वल स्थानी आहे.

याबरोबरच त्याचे हे ट्वेन्टी 20 मधील 21 वे शतक आहे. ट्वेन्टी 20 मध्ये सर्वाधिक शतके करण्याचाही विक्रम ख्रिस गेलच्याच नावावर आहे. या यादीत ब्रेंडन मॅक्युलम, ल्युक राईट आणि मायकल क्लिंगर विभागून 7 शतकांसह दुसऱ्या क्रमांकावर आहेत.

Most 100s in T20 cricket:

21= Chris Gayle
21= Brendon McCullum+ Luke Wright +Michael Klinger#KXIPvSRH#IPL#IPL2018

— Sharad Bodage (@SharadBodage) April 19, 2018

आजच्या सामन्यात पंजाबने गेलच्या शतकाच्या जोरावर 20 षटकात 3 बाद 193 धावा केल्या होत्या आणि हैद्राबादसमोर विजयासाठी 194 धावांचे आव्हान ठेवले होते. या आव्हानाचा पाठलाग करताना हैदराबादला 20 षटकात 4 बाद 174 धावाच करता आल्या.

हैद्राबादकडून कर्णधार केन विलियम्सन(54) आणि मनीष पांडेने(57*) अर्धशतके केली होती, पण त्यांना बाकी फलंदाजांची योग्य साथ मिळाली नाही.

महत्वाच्या बातम्या: 

• पुणेकर चाहत्यांची होऊ शकते निराशा, हा खेळाडू उद्याच्या सामन्यात खेळणार नाही!

• आता क्रिकेटचे सामने होणार केवळ १०० चेंडूंचे

• कमबॅक किंग ‘शाहिद आफ्रिदी’ पुन्हा खेळणार आंतरराष्ट्रीय सामन्यात

• फक्त आणि फक्त याच खेळाडूमूळे विराट दक्षिण आफ्रिकेत झाला यशस्वी
• चेन्नई सुपर किंग्जच्या चाहत्यांची खास ट्रेन येतेयं पुण्यात

• लॉर्ड्सवर होणाऱ्या वर्ल्ड ११ विरुद्ध विंडीज सामन्यासाठी संघाची घोषणा