इंग्लंडमध्ये सध्या काउंटी चॅम्पियनशिपचे सामने सुरू आहेत. काउंटी चॅम्पियनशिप डिव्हिजन वनचा 42वा सामना लंडनच्या केनिंग्टन ओव्हल येथे सरे आणि डरहम यांच्यात खेळला जात आहे. या सामन्यात एक अद्भुत दृश्य पाहायला मिळाले. प्रथम फलंदाजी करताना सरे संघाने 9 गडी गमावून 820 धावा केल्या आणि नंतर डाव घोषित केला. या दरम्यान सरे संघासाठी एका फलंदाजाने त्रिशतक झळकावले आणि तीन फलंदाजांनी शतके झळकावली. काउंटी चॅम्पियनशिपमध्ये सरे संघाचा हा आतापर्यंतचा सर्वोच्च आणि काउंटी इतिहासातील चौथा सर्वोच्च धावसंख्या आहे.
या सामन्यात सरेचे फलंदाज सुरुवातीपासूनच उत्तम लयीत दिसत होते. डोम सिबलीने संघासाठी जबरदस्त फलंदाजी केली आणि त्रिशतक झळकावले. त्याने 475 चेंडूंचा सामना करत 305 धावांची शानदार खेळी केली, ज्यामध्ये 29 चौकार आणि 2 षटकारांचा समावेश होता. प्रथम श्रेणी क्रिकेटमधील हे त्याचे पहिले त्रिशतक आहे. सिबलीच्या या मॅरेथॉन खेळीमुळे संघ मोठा धावसंख्या उभारू शकला. या सामन्यात सरेकडून डोम सिब्ली व्यतिरिक्त आणखी तीन फलंदाजांनी शतके झळकावली. सॅम करनने 124 चेंडूत 108 धावा केल्या. डॅन लॉरेन्सने 149 चेंडूत 178 धावांचे योगदान दिले. विल जॅक्सने 94 चेंडूत 8 चौकार आणि 4 षटकारांसह 119 धावांची शानदार खेळी केली. तर सलामीवीर रोरी बर्न्सने 55 धावा केल्या.
Dominic Sibley smashed 305 (475) with 29 fours and 2 sixes in the County Championship. pic.twitter.com/7BzmoMAeHd
— Mufaddal Vohra (@mufaddal_vohra) June 30, 2025
डरहमच्या गोलंदाजीबद्दल बोलायचे झाले तर, विल रोड्स संघासाठी सर्वात यशस्वी गोलंदाज होता, त्याने 28 षटकात 131 धावा देत तीन बळी घेतले. जॉर्ज ड्रिसेल संघासाठी सर्वात महागडा गोलंदाज होता, त्याने 45 षटकात 247 धावा दिल्त्या, डॅनियल हॉगने 2 बळी घेतले. याशिवाय, बेन रेन, जेम्स नीशम आणि कॉलिन अॅकरमन यांना 1-1 यश मिळाले. दुसऱ्या दिवसाच्या खेळाअखेर, डरहमनेही 1 विकेट गमावून 59 धावा केल्या आहेत. त्यांचा संघ सरेपेक्षा 761 धावांनी मागे आहे. डरहमकडून अॅलेक्स हेल्स (33) आणि विल रोड्स (16) क्रीजवर आहेत.
