भारतीय क्रिकेट संघातून बाहेर असलेला यष्टिरक्षक फलंदाज ईशान किशन मैदानात परतण्यासाठी सज्ज झाला आहे. आगामी देशांतर्गत हंगामात ईशान झारखंडसाठी पुनरागमन करणार आहे. झारखंड स्टेट क्रिकेट असोसिएशनने सीझनपूर्व 25 संभाव्य खेळाडूंच्या यादीत ईशानचा समावेश केला आहे. रिपोर्ट्नुसार, 26 वर्षीय किशनने येत्या हंगामात झारखंडकडून खेळण्यास होकार दर्शवला आहे. एवढेच नाही तर त्याला कर्णधारपदाची जबाबदारीही मिळू शकते. यासंबधी अद्याप काहीही पुष्टी झालेली नसली तरी येत्या हंगामात राज्य संघासाठी उपलब्ध असल्याची माहिती किशनने झारखंड क्रिकेट असोसिएशनला दिली आहे.
राष्ट्रीय निवड समितीच्या सल्ल्याने किशनने हा निर्णय घेतल्याचे मानले जात आहे. कारकिर्दीच्या सुवर्णकाळात तो आंतरराष्ट्रीय क्रिकेटपासून दूर राहू शकतो, असे त्याला सांगण्यात आले. जुलै 2021 ते नोव्हेंबर 2023 दरम्यान, ईशानने दोन कसोटी, 27 एकदिवसीय आणि 32 टी-20 सामने खेळले. त्याने एकदिवसीय क्रिकेटमध्ये विक्रमी द्विशतकही केले आणि गेल्या वर्षी भारताच्या 50 षटकांच्या विश्वचषक संघाचा तो भागही होता.
गेल्या मोसमात, निवडकर्ते आणि बीसीसीआयच्या स्पष्ट सूचना असूनही, किशनने आडमुठी भूमिका घेतली आणि देशांतर्गत क्रिकेट खेळले नाही. त्याने फक्त आयपीएलवर लक्ष केंद्रित केले आणि बडोद्यातील एका अकादमीत तयारी केली. नोव्हेंबर 2023 मध्ये टीम इंडियासाठी ईशान शेवटचा मैदानात दिसला होता. यानंतर तो दक्षिण आफ्रिका दौऱ्यात संघ सोडून भारतात परतला. वास्तविक, संघ व्यवस्थापनाने केएल राहुलला त्याच्या जागी यष्टिरक्षक म्हणून संधी दिल्याने ईशान निराश झाला होता. यानंतर बीसीसीआयनेही किशनला केंद्रीय करारातून वगळले.
डावखुऱ्या यष्टरीरक्षक फलंदाजाच्या आंतरराष्ट्रीय करिअरबद्दल बोलायचे झाल्यास त्याने आतापर्यंत 27 एकदिवसीय 32 टी20 तर 2 कसोटी सामने खेळला आहे. वनडे सामन्यात त्याने 102 च्या स्ट्राईक रेटने 933 धावा केल्या आहेत. ज्यामध्ये 7 अर्धशतक आणि 1 द्विशतकाची नोंद आहे. आणि टी20 मध्ये त्याने 796 धावा केल्या आहेत. यादरम्यान त्याने 6 अर्धशतक ठोकल्या आहेत.
हेही वाचा-
पहिला सामना टाय, दोन्ही संघांसाठी ‘मालिका करा किंवा मरा’ स्थितीत, पाहा कोणचं पारडं जड?
यजमानांनच वरचढ! ही चूक सुधारली नाही तर श्रीलंका करु शकते चितपट, टीम इंडियासमोर मोठे आव्हान
IND VS SL: दुसऱ्या वनडेपूर्वी संघाला मोठा, स्टार ऑलराउंडर दुखापतीमुळे मालिकेबाहेर