ऑस्ट्रेलियाचा स्टार फलंदाज डेविड वॉर्नर सध्या दुखापतीमुळे संघाबाहेर आहे. भारताविरुद्ध वनडे सामन्यात क्षेत्ररक्षण करताना त्याला दुखापत झाली होती. त्यामुळे वॉर्नर टी-२० मालिकेला मुकला होता. त्याचप्रमाणे पहिल्या कसोटी सामन्यातही तो भाग घेऊ शकला नाही. मात्र त्याच्या अनुपस्थितीतही ऑस्ट्रेलियाने पहिल्या कसोटी सामन्यात भारतीय संघाला ८ गडी राखून सहज पराभूत केले.
वॉर्नर मैदानवर सहभागी होऊ शकत नसला तरी त्याच्या अतरंगी व्हिडिओंमुळे तो कायमच चर्चेत असतो. आपल्या इंस्टाग्राम अकाऊंटवर तो हटके व्हिडिओ शेयर करून चाहत्यांचे लक्ष वेधून घेत असतो. आत्ताही त्याने असाच एक व्हिडिओ शेयर केला असून तो चाहत्यांच्या पसंतीस उतरतो आहे.
गेले काही दिवस वॉर्नर लोकप्रिय अभिनेत्यांच्या चित्रपटातील व्यक्तिरेखेच्या जागी आपला चेहरा लावत व्हिडिओ शेयर करत आहे. यावेळी त्याने प्रसिद्ध हॉलीवूड चित्रपट होम अलोनची व्हिडिओ करण्यासाठी निवड केली. या चित्रपटात एक लहान मुलगा घरी एकटा असताना त्याच्या घरी चोर शिरतात, पण त्यानंतर तो मुलगा त्या चोरांनाच कसे जेरीस आणतो, अशी रंजक कथा रंगविण्यात आली आहे. वॉर्नरने या चित्रपटातील चोरांच्या चेहऱ्याच्या जागी आपला चेहरा टाकला आहे. तसेच त्याखाली “अनेकांना हे समजेल की नाही माहित नाही, पण हा ख्रिसमसचा काळ आहे”, अशी कॅप्शन देखील टाकली आहे.
https://www.instagram.com/p/CJDeemnFQQV/?utm_source=ig_embed&utm_campaign=embed_video_watch_again
भारत विरुध्द ऑस्ट्रेलियाच्या कसोटी मालिकेतील दुसरा सामना २६ डिसेंबरपासून मेलबर्नच्या मैदानावर खेळविण्यात येणार आहे. डेविड वॉर्नर या सामन्यासाठी प्रायव्हेट विमानाने मेलबर्नमध्ये पोहोचला आहे. मात्र त्यांच्या तंदुरुस्तीबाबत सांशकता असल्याने तो दुसरा कसोटी सामना खेळेल, हे अजून निश्चित झाले नाहिये.
महत्वाच्या बातम्या:
– बॉक्सिंग डे कसोटीत टीम इंडिया उतरणार नव्या जोशात; जडेजा, राहुल, गिलची संघात होणार एन्ट्री?
– ब्रेकिंग! दक्षिण आफ्रिकेचा दिग्गज जॅक कॅलिस बनला इंग्लंड संघाचा फलंदाजी सल्लागार
– पाकिस्तान क्रिकेट संघासाठी वाईट बातम्यांचे सत्र सुरू; हे दोन खेळाडू पहिल्या कसोटीतून बाहेर