महिला प्रीमियर लीगच्या तिसऱ्या हंगामाची सुरुवात ज्या पद्धतीने झाली, त्याचप्रमाणे दुसऱ्या सामन्यातही चाहत्यांना असेच काहीसे पाहायला मिळाले. वडोदरा स्टेडियमवर मुंबई इंडियन्स महिला संघ आणि दिल्ली कॅपिटल्स यांच्यात खेळल्या गेलेल्या या हंगामातील दुसऱ्या सामन्याचा शेवट खूपच रोमांचक झाला. दिल्ली कॅपिटल्स संघाने हा सामना निश्चितच 2 विकेट्सने जिंकला, पण सर्व चाहत्यांच्या नजरा शेवटच्या चेंडूपर्यंत सामन्यावर खिळल्या होत्या. दिल्ली कॅपिटल्स संघाला जिंकण्यासाठी 165 धावांचे लक्ष्य देण्यात आले होते. ज्यामध्ये त्यांना जिंकण्यासाठी शेवटच्या चेंडूवर 2 धावा करायच्या होत्या आणि रनआउटसाठी अपील देखील करण्यात आले होते. परंतु शेवटी दिल्ली कॅपिटल्स संघ सामना जिंकण्यात यशस्वी झाला.
WPL च्या इतिहासात, दिल्ली कॅपिटल्स संघाचा मुंबई इंडियन्सविरुद्ध 2 विकेट्सने मिळालेला हा विजय आता विक्रमांमध्ये नोंदला गेला आहे. 165 धावांच्या लक्ष्याचा पाठलाग करताना, दिल्ली कॅपिटल्स महिला संघाने 163 धावांवर 8 विकेट गमावल्या. यानंतर, राधा यादव आणि अरुंधती रेड्डी यांनी मिळून संघाला रोमांचक विजय मिळवून दिला. WPL च्या इतिहासात धावांचा पाठलाग करताना कोणत्याही संघाने मिळवलेला हा सर्वात कमी फरक आहे. यापूर्वी, हा विक्रम यूपी वॉरियर्स संघाच्या नावावर होता. ज्यांनी 2023 मध्ये गुजरात जायंट्सविरुद्ध लक्ष्याचा पाठलाग करताना 3 विकेट्सच्या फरकाने सामना जिंकला होता. दिल्ली कॅपिटल्ससाठी या सामन्यात शेफाली वर्मा आणि निक्की प्रसाद यांनी फलंदाजीत महत्त्वाची भूमिका बजावली.
दिल्ली कॅपिटल्स आणि मुंबई इंडियन्स यांच्यातील या सामन्यात, प्रथम फलंदाजी करणारा मुंबईचा संघ 19.1 षटकात 164 धावांवर सर्वबाद झाला, तर दिल्लीच्या संघाने लक्ष्याचा पाठलाग करताना 8 विकेट गमावल्या. अशाप्रकारे या सामन्यात एकूण 18 विकेट पडल्या. हा सामना आता WPL च्या इतिहासातील संयुक्त दुसरा सामना बनला आहे. ज्यामध्ये 18 विकेट पडल्या आहेत. याआधी 2024 मध्ये दिल्ली कॅपिटल्स आणि यूपी वॉरियर्स यांच्यात झालेल्या सामन्यात एकूण 18 विकेट्स पडल्या होत्या. सामन्याच्या शेवटच्या चेंडूवर लक्ष्याचा पाठलाग करताना संघाने विजय मिळवलेला हा दुसरा सामना आहे. याआधी 2024 मध्ये मुंबई इंडियन्स आणि दिल्ली कॅपिटल्स यांच्यातील सामन्यात, लक्ष्याचा पाठलाग करताना मुंबई संघाने शेवटच्या चेंडूवर सामना जिंकलेला.
हेही वाचा-
टीम इंडियाला मोठा धक्का.! चॅम्पियन्स ट्रॉफीपूर्वी सलामीवीर खेळाडू दुखापतग्रस्त
जसप्रीत बुमराहशिवाय टीम इंडियात किती दम? 12 वर्षांनंतर विजेतेपदाची संधी!
‘भारताकडून हरू, पण जेतेपद जिंकू…’, चॅम्पियन्स ट्रॉफीपूर्वी पाक खेळाडूचे विधान
