पाचगणी । रवाईन हॉटेल यांच्या तर्फे आयोजित एमएसएलटीए आणि एआयटीए यांच्या मान्यतेखाली होत असलेल्या एमएसएलटीए योनेक्स सनराईजरवाईन हॉटेल 14 वर्षाखालील नॅशनल सिरीज् टेनिस स्पर्धेत मुलांच्या गटात कर्नाटकाच्या अन्मय देवराजू याने मानांकित खेळाडूवर सनसनाटी विजय मिळवत उपांत्य फेरीत प्रवेश केला.
पाचगणी येथील रवाईन हॉटेल येथील टेनिस कोर्टवर सुरु असलेल्या या स्पर्धेत उपांत्यपूर्व फेरीत 14 वर्षाखालील मुलांच्या गटात कर्नाटकाच्या पाचव्या मानांकित अन्मय देवराजूने महाराष्ट्राच्या दुसऱ्या मानांकित अर्जुन गोहडचा 7-5, 7-5असा पराभव करून अनपेक्षित निकाल नोंदविला.
अकराव्या मानांकित कर्नाटकाच्या रोनीन लोटलीकरने काल अव्वल मानांकित खेळाडूवर विजय मिळविणाऱ्या सोळाव्या मानांकित महाराष्ट्राच्या शिवम कदमचा 6-3, 6-0असा पराभव करून उपांत्य फेरी गाठली.
तिसऱ्या मानांकित कर्नाटकाच्या आयुष भटने महाराष्ट्राच्या बाराव्या मानांकित दक्ष अगरवालचा 3-6, 6-1, 6-1असा तीन सेटमध्ये पराभव करून आगेकूच केली.
14 वर्षाखालील मुलींच्या गटात उपांत्यपूर्व फेरीत अव्वल मानांकित महाराष्ट्राच्या राधिका महाजनने आपल्या लौकिकाला साजेशी खेळी करत सोळाव्या मानांकित हर्षिता बांगेराचा 6-0, 6-0 असा एकतर्फी पराभव करून दिमाखात उपांत्य फेरी गाठली.
सातव्या मानांकित महाराष्ट्राच्या परी सिंगने मध्यप्रदेशच्या चौदाव्या मानांकित अमीशी शुक्लाचा टायब्रेकमध्ये 6-1, 6-7(4), 6-3असा पराभव करून उपांत्य फेरीत धडक मारली. दुसऱ्या मानांकित वैष्णवी आडकरने आपलीच राज्य सहकारी सहाव्या मानांकित हर्षाली मांडवकरचा 6-2, 6-3असा सरळ सेटमध्ये पराभव केला.
स्पर्धेचा सविस्तर निकाल: 14 वर्षाखालील मुली: उपांत्यपूर्व फेरी: राधिका महाजन(महा)(1) वि.वि. हर्षिता बांगेरा (महा)(16)6-0, 6-0; परी सिंग(महा)(7)वि.वि.अमीशी शुक्ला(मध्यप्रदेश)(14)6-1, 6-7(4), 6-3; कुंदना बंदारू(11)वि.वि.अभया वेमुरी(तेलंगणा)6-4, 6-1; वैष्णवी आडकर(महा)(2)वि.वि.हर्षाली मांडवकर(महा)(6) 6-2, 6-3;
14 वर्षाखालील मुले: उपांत्यपूर्व फेरी: रोनीन लोटलीकर(कर्नाटक)(11)वि.वि.शिवम कदम(महा)(16)6-3, 6-0;आयुष भट(कर्नाटक)(3)वि.वि.दक्ष अगरवाल(महा)(12)3-6, 6-1, 6-1; आयुषमान अर्जेरीया(4)वि.वि.मोनील लोटलीकर(कर्नाटक)(10)7-6(4), 4-6, 6-3; अन्मय देवराजू(कर्नाटक)(5)वि.वि.अर्जुन गोहड(महा)(2)7-5, 7-5.