कोरोना व्हायरसचा सर्वात मोठा परिणाम लॉकडाऊन म्हणून पाहिला जात आहे. लॉकडाऊन, ज्याने बर्‍याच गोष्टी रखडल्या, जगातील जवळजवळ प्रत्येक मनुष्यावर परिणाम झाला. लॉकडाऊनने संपूर्ण क्रीडा जगही हादरले. यावेळी क्रिकेट पूर्णपणे थांबले आणि सर्व क्रिकेटपटूंना त्यांच्या घरी वेळ घालण्याची संधी मिळाली. लॉकडाऊन दरम्यान क्रिकेटपेक्षा क्रिकेटपटूंच्या कुटुंबियांबद्दल अधिक चर्चा होती आणि बर्‍याच चांगल्या बातम्याही समोर आल्या.
त्यातच काल (२७ ऑगस्ट) विराट कोहलीने तो लवकरच वडील होणार असल्याची घोषणा केली. त्याच्याआधीही अनेक क्रिकेटपटूंनी ते वडील झाल्याची किंवा होणार असल्याची गुडन्यूज मागील ५ महिन्यात दिली आहे. अशाच ५ क्रिकेटपटूंबद्दल जाणून घेऊ ज्यांनी मागील ५-६ महिन्यात गुडन्यूज दिली आहे.
५. शाकिब अल हसन दुसऱ्यांदा वडील झाला
एप्रिल 2020 च्या सुरुवातीच्या आठवड्यात बांगलादेश संघाचा माजी कर्णधार शाकिब अल हसनने दुसऱ्यांदा वडील होण्याची बातमी दिली. त्याने आपल्या मुलीचे नाव इर्रम हसन असे ठेवले आहे.
२०१० मध्ये हसन आणि पत्नी शिशिरची भेट झाली होती आणि त्यानंतर २०१२ मध्ये लग्न केले आणि २०१५ मध्ये या जोडप्यास त्यांचे पहिले अपत्य झाले. त्यांच्या पहिल्या मुलीचे नाव अलेना हसन आहे. या बांगलादेशी स्टार अष्टपैलू खेळाडूला ऑक्टोबर २०१९ पासून क्रिकेटवर बंदी आहे.
https://www.instagram.com/p/CAFJCIug37J/
४. हार्दिक पांड्या-नताशा जोडीने आनंदाची बातमी दिली
वर्षाच्या सुरूवातीस हार्दिक पांड्याने अचानक नताशाबरोबर एंगेजमेंटची घोषणा करून सर्वांना चकित केले आणि पाच महिन्यांनंतर त्यांच्या पहिल्या बाळाच्या आगमनाची घोषणा करून आणखी आश्चर्यचकित केले. 31 मे 2020 रोजी अभिनेत्री नताशा स्टॅनकोव्हिक आणि हार्दिक पांड्या यांनी आपापल्या सोशल मीडिया अकाउंट्सद्वारे माहिती दिली होती की ते पालक बनणार आहेत.
त्यानंतर 30 जुलै 2020 रोजी नताशा आई झाली. याबद्दल हार्दिकने सोशल मिडीयावर चाहत्यांसमवेत ही चांगली बातमी शेअर केली. त्यांनी आपल्या मुलाचे नाव अगस्त्य ठेवले आहे आणि आता त्यांचा मुलगा सुमारे एक महिन्याचा होणार आहे.
https://www.instagram.com/p/CDVV1ZCF7E0/
३. फॅफ डु प्लेसिस झाला दुसऱ्यांदा वडील
इंडियन प्रीमियर लीग 2020 सुरू होण्यापूर्वी चेन्नई सुपर किंग्जचा दिग्गज फाफ डु प्लेसिसनेही चांगली बातमी दिली. दक्षिण आफ्रिकेचा माजी कर्णधार दुसऱ्यांदा वडील झाला. १८ ऑगस्टला डु प्लेसिसची पत्नी इमारीनी गोंडस मुलीला जन्म दिला. डू प्लेसिसने सोशल मीडियावर बातमी शेअर केली होती.
डु प्लेसिस आणि इमारी यांचे 7 वर्षांपूर्वी 2013 मध्ये लग्न झाले होते. त्याच्यानंकर त्यांना पहिली मुलगी झाली. तिचे नाव एमिली आहे आणि त्यांनी आता त्यांच्या दुसाऱ्या नवजात मुलीचे नाव जोए ठेवले आहे. फाफ डु प्लेसिस याची पत्नी दक्षिण आफ्रिकेतील डेमोक्रॅटिक अलायन्स राजकीय पक्षाची खासदार करीन यांची मुलगी आहे. ती त्वचा तंत्रज्ञान कंपनीत सहाय्यक म्हणून काम करते.
https://www.instagram.com/p/CEHBoEjHoqu/
२. सुरेश रैनाला झाला मुलगा
या यादीमध्ये सुरेश रैना याचेही नाव असले पाहिजे, जो लॉकडाउनच्या 24 तास आधी त्याच्या दुसर्‍या मुलाचा वडील बनला होता. भारताचा क्रिकेटर सुरेश रैना आणि त्यांची पत्नी प्रियंका दुसऱ्यांदा पालक बनले. या अगोदर प्रियंका रैनाने ग्रेसिया नावाच्या मुलीला जन्म दिला. रैना बर्‍याचदा आपल्या मुलीचे फोटो शेअर करतो. आयपीएलला जाण्यापूर्वी रैनाने पत्नी आणि मुलगा-मुलीच्या नावे हातावर टॅटूही काढले आहेत.
https://www.instagram.com/p/CDbkuMjh6sV/
१. जानेवारी 2021 मध्ये कोहली-अनुष्काच्या बाळाचे आगमन
भारतीय क्रिकेट संघाचा कर्णधार विराट कोहली आणि त्यांची पत्नी अनुष्का शर्मा हे त्यांच्या पहिल्या मुलाचे पालक होणार आहेत. स्वत: कोहलीने आपल्या ट्विटर हँडलवरून याची पुष्टी केली आहे. विराटने अनुष्कासोबत बेबी बंपचा फोटो ट्विटरवर शेअर करुन ही माहिती दिली. विराटने लिहिले आहे की ते आता दोन चे तीन झाले आहेत. त्यांच्या बाळाचा जानेवारी 2021 मध्ये जन्म होणार आहे.
https://www.instagram.com/p/CEYZIPllBzF/
अनुष्का शर्मानेही हाच फोटो तिच्या ट्विटर हँडलवर शेअर केला असून ही चांगली बातमी दिली. यावेळी लॉकडाऊन दरम्यान विराट आणि अनुष्काने मुंबईत घरी वेळ घालवला. कोहली-अनुष्काने २०१७ साली लग्न केले होते, त्याआधी हे दोघे २०१३ पासून एकमेकांना ओळखत होते.
ट्रेंडिंग लेख –
‘या’ २ अष्टपैलू क्रिकेटर्ससाठी आयपीएल ठरणार लकी; भविष्यात मिळणार भारतीय संघात पदार्पण करण्याची संधी?
वाढदिवस विशेष- लसिथ मलिंगाबद्दल माहित नसलेल्या १० खास गोष्टी
एमएस धोनीचे आयपीएलमधील ३ शानदार विक्रम, ज्यांच्या आसपासही नाही कुणी
महत्त्वाच्या बातम्या –
बाप होणार विराट कोहली, पण ट्रोल होतोय सैफ अलीचा मुलगा तैमूर
आजपासून इंग्लंड विरुद्ध पाकिस्तान संघात सुरु होणाऱ्या टी२० मालिकेबद्दल जाणून घ्या सर्वकाही
पाणीपुरी विकून जीवन जगणाऱ्या पठ्ठ्याचे आता बदलणार आयुष्य; गुरुमंत्र घेऊन ठेवतोय आयपीएलमध्ये पाऊल