ऍशेस 2023 मालिकेतील पाचवा सामना केनिंग्टन ओव्हल, लंडन येथे सुरू आहे. या सामन्यातील पहिऱ्या दिवशी फलंदाजी करताना इंग्लंडच्या फलंदाजांना ऑस्ट्रेलियाच्या गोलंदाजांनी पहिल्या डावात 283 धावांवर सर्वबाद केले. त्यानंतर इंग्लंडने ऑस्ट्रेलियालाही दुसऱ्या दिवशी 295 धावांवर सर्वबाद केले. यावेळी ऑस्ट्रेलियाने 12 धावांची आघाडी घेतली. मात्र, इंग्लंडचा कर्णधार बेन स्टोक्स याला कोणत्याही परिस्थितीत हा सामना जिंकायचा आहे. या मालिकेत 4 सामन्यांनंतर स्टोक्सचा संघ 1-2ने पिछाडीवर आहे. स्टोक्स गोलंदाजी, फलंदाजीच नाही, तर क्षेत्ररक्षणातही आपली भूमिका बजावत आहे. अशात स्टोक्सचा एक व्हिडिओ जबरदस्त व्हायरल होत आहे.
बेन स्टोक्सचा शानदार झेल
इंग्लंडचा कर्णधार बेन स्टोक्स (Ben Stokes) याने सामन्याच्या दुसऱ्या दिवशी सीमारेषेवर शानदार झेल पकडला. दिवसाच्या अखेरच्या षटकातील पहिल्या चेंडूवर ऑस्ट्रेलियाचा कर्णधार पॅट कमिन्स (Pat Cummins) स्ट्राईकवर होता. यावेळी जो रूट गोलंदाजी करत होता. रूटच्या चेंडूवर कमिन्सने जोरदार फटका मारला. यावेळी चेंडू हवेत होता, तेव्हाच सीमारेषेजवळ क्षेत्ररक्षण करत असलेल्या बेन स्टोक्सने एक पाय हवेत ठेवून झेल पकडला.
स्टोक्सला दुसऱ्या प्रयत्नात यश
झेल घेताच स्टोक्सचे संतुलन बिघडले आणि तो सीमारेषेच्या पलीकडे पडणारच होता. तेवढ्यात त्याने चेंडू पुढे फेकला आणि स्वत: सीमारेषेच्या पलीकडे गेला. त्यानंतर तो पुन्हा झेल पकडण्यासाठी मैदानात आला आणि दुसऱ्या प्रयत्नात त्याला झेल पकडण्यात यश आले. त्याने झेल घेताच स्टेडिअममध्ये बसलेल्या प्रेक्षकांचा आनंद गगनात मावेनासा झाला. जो रूटही भलताच खुश झाला होता. कमिन्स यावेळी वैयक्तिक 36 धावांवर बाद झाला. या विकेटमुळे ऑस्ट्रेलिया संघाचा डाव संपुष्टात आला.
What a way to finish the day! 😮
A stunning grab from the captain brings Day 2 to a close 👏
Australia lead by 1️⃣2️⃣ at the end of the first innings…#EnglandCricket | #Ashes pic.twitter.com/EdsUjrfmk7
— England Cricket (@englandcricket) July 28, 2023
ऑस्ट्रेलिया मालिकेत 2-1ने आघाडीवर
ऑस्ट्रेलिया संघाने दिवसाची सुरुवात एक विकेट 61 धावांनी केली होती. ढगाळ वातावरण असल्यामुळे वेगवान गोलंदाजांसाठी अनुकूल परिस्थितीत संघाने खूपच सावधगिरी बाळगत धावा करण्याऐवजी विकेट्स वाचवण्यावर भर दिला. उस्मान ख्वाजा आणि मार्नस लॅब्यूशेन यांनी 156 चेंडूत 42 धावांची भागीदारी रचली. स्मिथने अनुभवी जेम्स अँडरसन याच्याविरुद्ध सलग 2 चौकार मारत संघाचे शतक पूर्ण केले. ऑस्ट्रेलिया संघ सध्या मालिकेत 2-1ने आघाडीवर आहे. तसेच, ही मालिका जिंकण्यासाठी त्यांना हा सामना फक्त अनिर्णित निकाली काढण्याची गरज आहे. (eng vs aus 5th test 2023 ben stokes england captain take pat cummins stunner catch near boundary line)
महत्त्वाच्या बातम्या-
अमेरिकेच्या मेजर लीगमध्ये MI न्यूयॉर्कचा जलवा! सुपर किंग्सच्या नांग्या ठेचत मिळवले फायनलचे तिकीट
धोनीच्या गुडघ्याच्या सर्जरीविषयी पत्नी साक्षीची मोठी अपडेट; व्हिडिओ जोरदार व्हायरल