मागच्या काही वर्षात भारताच्या गोलंदाजीमध्ये खुप सुधारणा झालेली पाहायला मिळाली आहे. त्यातही वेगवान गोलंदाजीमध्ये जबरदस्त सुधारणा झाली आहे. मोहम्मद शमी, मोहम्मद सिराज, ईशांत शर्मा आणि जसप्रीत बुमराह या चौघांनी त्यांच्या वेगवान गोलंदाजीने अनेकांची मनं जिंकली आहेत. त्यांच्या या कामगिरीमुळे त्यांचे जगभरात कैतुक केले जात आहे. त्यांनी केलेल्या उत्तम प्रदर्शनाच्या जोरावर भारतीय संघ इंग्लंडविरुद्ध लॉर्ड्समध्ये ऐतिसिक विजय मिळवू शकला आहे. भारताने या सामन्यात इंग्लंडला १५१ धावांनी पराभूत केले. त्यांच्या कामगिरीनंतर स्वत: इंग्लंडचा कर्णधार जो रूटने त्यांचे कैतुक केले आहे.
मालिकेतील लीड्सवर होणाऱ्या तिसऱ्या कसोटी सामन्याआधी रुटने अभासी पत्रकार परिषदेत भारतीय गोलंदाजांचे कौतुक केले आहे. तो म्हणाला, “त्यांनी इंग्लंडच्या परिस्थितीचा पूर्णपणे फायदा घेतला. त्यांच्याकडे एक अप्रतिम गोलंदाजी आक्रमण आहे. कसोटी क्रिकेटला पाहिले तर त्याच्या संघाकडे अप्रतिम गोलंदाजांची फळी आहे. त्यांची गोलंदाजी इंग्लंडच्या परिस्थितीला अनुकूल आहे आणि त्यांनी परिस्थितीला चांगल्या प्रकारे ऍडजेस्ट केलं आहे.”
तो म्हणाला, “भारताने या कसोटी मालिकेत चांगला खेळ दाखवला आहे आणि आम्हाला त्यांना उत्तर देण्यासाठी खुप स्मार्ट व्हावं लागेल. त्याचसोबत धावफलकावर मोठी धावसंख्या उभारुन त्यांना पुन्हा दबावात आणावं लागेल. मला वाटते की त्यांच्याकडे एक गोष्ट आहे की, त्यांच्याकडे एक चांगला समतोल आहे. त्याचसोबत वेगवेगळे रिलीज पाॅईंट्सही आहेत.”
या पत्रकार परिषदेत रुटने हे देखील मान्य केल की भारतीय संघाला स्लेजिंग करायला नको होती. रूटने सांगितले की त्याच्या संघाने मागच्या सामन्यातून धडा शिकला आहे आणि पुढे ते अनावश्यक स्वरूपात कोणत्याच वादात पडणार नाहीत.
तो पुढे बोलताना म्हणाला, “सामन्यादरम्यान स्थिती थिएटरप्रमाणे झाली होती. आम्हाला हे सुनिश्चित करावं लागेल की, आम्हाला ज्याप्रकारे खेळायचे आहे, त्याच प्रकारे खेळू आणि आम्ही जेवढे होईल तेवढे त्याच्यावर नियंत्रन ठेऊ. आम्ही स्वत:प्रती इमानदार असायला हवं, आम्हाला या गोष्टीवर लक्ष द्यावे लागेल की आम्ही एक व्यक्ती आणि सामूहिक रूपात कसे वागतो. हे जेवढे होऊ शकेल तेवढे चांगले असले पाहिजे.”
इंग्लंड आणि भारत यांच्यातील तिसरा कसोटी सामना लीड्सच्या हेडिंग्ल मैदानावर खेळला जाणार आहे. हा सामना २५ ऑगस्टपासून खेळला जाणार आहे. याआधी भारताने दुसऱ्या कसोटीत विजय मिळवला असून मालिकेत १-० अशी आघाडी घेतली आहे.
महत्त्वाच्या बातम्या –
मोठ्या मनाची मेरी! ‘त्या’ चाहतीला ऑलिम्पिकवेळी दिलेला शब्द पाळला
“कारकिर्दीत मला असे कधीच जाणवले नव्हते”, बुमराहच्या बाउंसरबाबत अँडरसनने सोडले मौन
रवी शास्त्रींनंतर ‘हा’ खेळाडू होऊ शकतो टीम इंडियाचा मुख्य प्रशिक्षक, माजी पाकिस्तानी क्रिकेटरचे मत
