भारतीय संघाचा माजी फलंदाज मोहम्मद कैफने त्याच्या अधिकृत सोशल मीडिया खात्यावरून एक व्हिडिओ शेअर केला आहे. व्हिडिओत कैफ त्याच्या घरी कुटुंबातील लहान मुलांसोबत क्रिकेट खेळताना दिसत आहे. व्हिडिओत कैफ त्याच्या जुन्या अंदाजात फलंदाजी करताना दिसत आहे आणि कुटुंबातील लहान सदस्यांना त्याची विकेट लवकर घेता येत नाहीये.
मोहम्मद कैफ (Mohammad Kaif) आणि त्याच्या कुटुंबातील सदस्य ज्या पद्धतीने क्रिकेट खेलत आहेत, त्याला आपण ‘एक टप्पा आउट’ म्हणू शकतो. फलंदाजाने जर चेंडू खेळला आणि तो एक टप्पा पडून क्षेत्ररक्षकाने एका हातात पकडला, तर फलंदाज बाद, असा नियम कैफ व्हिडिओच्या सुरुवातीलाच सांगतो. या नियमामुळे फलंदाजाला बात करणे सोपे असले तरी, कैफच्या कुटुंबातील लहान मुले त्याला व्हिडिओच्या शेवटपर्यंत बाद करू शकत नाहीत.
कैफने त्याच्या अधिकृत इंस्टाग्राम खात्यावरून हा व्हिडिओ शेअर केला आहे, ज्यावर चाहत्यांकडून मोठ्या प्रमाणात लाईक्स आणि कमेंट्स येत आहेत. व्हिडिओच्या कॅप्शनची खास चर्चा होत आहे. कॅप्शनमध्ये त्याने लिहिले की, “जेव्हा संपूर्ण जग मला बाद करण्याच्या प्रयत्नात असते.” कॅप्शनसोबत त्याने स्माईलीच्या इमोजी देखील पोस्ट केल्या आहेत. व्हिडिओवर आतापर्यंत आठ हजारपेक्षा जास्त लाईक्स आल्या आहेत.
https://www.instagram.com/reel/CgOfeuAoJos/?utm_source=ig_web_copy_link
