पुणे। घोरपडी तमिळ युनायटेड आणि केशव माधव प्रतिष्ठान (केएमपी) संघांनी पीडीएफए लीग स्पर्धेत चुरशीचे विजय मिळवून आपली आगेकूच कायम राखली.
एसएसपीएमएस मैदानावर झालेल्या सामन्यात घोरपडी तमिळ युनायटेड संघाने दोन गोलच्या पिछाडीवरून संगम यंग बॉईजचा ३-२ असा पराभव केला. अझलन इनामदारने आठव्या मिनिटाला संगम यंग बॉईज संघाला आघाडीवर नेले. त्यानंतर वेदांत शिंदे याने दहाव्या मिनिटाला संगमची आघाडी वाढवली. मात्र, त्यांना ही आघाडी टिकवता आली नाही. प्रभु भंदन याने २१व्या आणि ३७व्या मिनिटाला गोल करून प्रथम बरोबरी साधली आणि पुढे जाऊन नेहार पिल्ले याने ४५व्या मिनिटाला गोल करून घोरपडीचा विजय साकार केला.
त्यानंतर झालेल्या सामन्यात केएमपी याने संघर्षानंतर उत्कर्ष क्रीडा मंच ब संघाचा १-० असा पराभव केला. सामन्यातील एकमात्र विजयी गोल अबुबाकर मणियार याने सामन्याच्या अखेरच्या मिनिटाला केला.
सप महाविद्यालयाच्या मैदानावर झालेल्या सामन्यात पुणे वॉरियर्सने आपला झंझावात कायम ठेवताना थंडरकॅटस ब संघाचा १३-० असा धुव्वा उडवलला. पियुष कुलकर्णी याने ११, १४ आणि ३९व्या मिनिटाला तीन गोल केले. त्यानंतर रोहन राऊतने आठव्या, संकेत डोंगरे याने १३, प्रसाद नाईकने १७, विकास गुप्ताने २२, ४३, विवेक घेनांद याने ६व्या आणि १९व्या, तर यश सिंगने ४४, अतर् राजपुतने ४१ आणि आदित्य नलावडे याने ४९व्या मिनिटाला गोल करून संघाचा मोठा विजय साकारला.
निकाल
सप महाविद्याल- तृतिय श्रेणी
गट एफ – पुणेरी वॉरियर्स १३ (रोहन रोऊत ८वे,. संकेत डोंगरे १३वे, पियुष कुलकर्णी ११, १४, ३९वे मिनिट, पसाद नाईक १७वे, विकास गुप्का २२वे, ४३वे, विवेक घेनांद ६, १९वे, यश सिंग ४४वे, अतर्व राजपूत ४१वे, आदित्य नलावडे ४९वे मिनिट) वि.वि. थंडरकॅटस ब ०
गट जी – दुर्गा स्पोर्टस अकादमी २ (तुषार दुर्गा १०वे, संकेत टेके ५९वे मिनिट) वि.वि. पुणे वॉरियर्स एफसी ०
गट एफ – कॉन्सिएंट एफए ३ (अभिषेक छेत्री १८वे, शौनक मोदी ३०वे, शुभम राय ३८वे मिनिट) वि.वि. सॅमफोर्ड १ (एल्विन फ्रान्सिस ५४वे)
गट एच – योहो एफसी ० बरोबरी वि. एफसी महाराष्ट्र ०
गट अ – अखिल भुसारी कॉलन २ (ऋषिकेश जिगजेनी ३४ने, टिमोथी कामेई ५२वेमिनिट) वि.वि. एफसी बेकडिन्हो ब ०
एसएसपीएमस मैदान- द्वितिय श्रेणी
गट सी – केशव माधव प्रतिष्ठान १ (अबुबाकर मणियार ६०वे मिनिट) वि.वि. उत्कर्ष क्रीडा मंच ब ०
गट सी – घोरपडी तमिळ युनाटेड ३ (प्रभु भंदन २१, ३७वे, नेहार पिल्ले ४५वे मिनिट) वि.वि. संगम यंग बॉईज २ (अझलन इनामदार ८वे मिनिट, वेदांत शिंदे १०वे मिनिट)
गट बी – जाएंटर ३ (अंन्शुल शर्मा २०, ५४ने, अंश मुळ्ये ५५वे मिनिट) वि.वि. बोपोडी एसए ०
गट बी – राहुल एफए ४ (आनंद शेंडे १०वे, रवी यादव १८वे, कौशल वालेचा २०वे मिनिट) वि.वि. नॅशन युथ क्लब ०
गट सी – राम स्पोर्टिंग १ (मयुर वांद्रे ५५वे मिनिट) वि.वि. वानवडी एससी ०
व्हॉट्सअपवर अपडेट्स मिळवण्यासाठी येथे क्लिक करा
हेही वाचा-
PDFA Football League। ४ लायन्स एफए, स्निग्मय ब संघांचा सहज विजय
मुरहारीने साकारला युपीएसएचा विजय; परशुरामियन्सचा विजयासाठी संघर्ष
अरे व्वा! निखिलच्या सुरेख प्रदर्शनाने जाएंटस अ संघाचा विजय
