वेस्ट इंडीज आणि भारत यांच्यातील पाच सामन्यांच्या टी२० मालिकेतील तिसरा सामना सेंट किट्स येथील वॉर्नर पार्क मैदानावर खेळला गेला. मालिका एक-एक बरोबरीत असताना या तिसऱ्य सामन्यात नाणेफेक जिंकून भारतीय कर्णधार रोहित शर्माने गोलंदाजी करण्याचा निर्णय घेतला. प्रथम गोलंदाजी करताना भारतीय संघाचा अष्टपैलू हार्दिक पंड्याने एक नवा विक्रम स्वतःच्या नावे नोंद केला.
हार्दिकने मिळवून दिले भारताला पहिले यश
दुसऱ्या सामन्यात थोड्या फरकाने पराभूत झालेल्या भारतीय संघाने प्रथम गोलंदाजी करण्याचा निर्णय घेतला. वेस्ट इंडीजसाठी कायले मायर्स व ब्रेंडन किंग यांनी शानदार सलामी दिली. दोघांनी अर्धशतकी भागीदारी करत वेस्ट इंडीजच्या मोठ्या धावसंख्येचा पाया रचला. मायर्स-किंग जोडीने यजमान संघाला ५७ धावांची भागीदारी करून दिली. धोकादायक होत असलेली ही जोडी फोडण्यासाठी कर्णधार रोहित शर्माने अष्टपैलू हार्दिक पंड्याच्या हाती चेंडू दिला. हार्दिकने कर्णधाराला निराश न करता दुसऱ्या चेंडूवर किंगचा त्रिफळा उडवला. हार्दिकने या सामन्यात ४ षटकात १९ धावा देत एक बळी मिळवला.
हार्दिकच्या नावे जमा झाला नवा विक्रम
मायर्सला बाद करताच हार्दिकने आपल्या टी२० कारकिर्दीतील ५० वा बळी मिळवला. आंतरराष्ट्रीय टी२० क्रिकेटमध्ये ५०० धावा व ५० बळी मिळवणारा आंतरराष्ट्रीय क्रिकेटमधील तो नववा क्रिकेटपटू ठरला. अशी कामगिरी करणारा तो पहिला भारतीय देखील बनला आहे. या यादीमध्ये शाकीब अल हसन, शाहिद आफ्रिदी, ड्वेन ब्राव्हो यांसारख्या दिग्गजांचा समावेश आहे. शाकीब या यादीतील सर्वात यशस्वी खेळाडू आहे. त्याने आपल्या ९९ सामन्यांच्या टी२० कारकिर्दीत आत्तापर्यंत २,०१० धावा व १२१ बळी मिळवले आहेत.
महत्त्वाच्या बातम्या-
तब्बल ८७ हजार प्रेक्षकांपुढे महिला फुलबॉलरने काढला टी-शर्ट, ‘स्पोर्ट्स ब्रा’वरचे सेलिब्रेशन व्हायरल
भारीच! तीन महिन्यात दोन वेळा भारत-पाकिस्तान आमने-सामने, चाहत्यांसाठी क्रिकेटची मोठी पर्वणी
भारताचा ‘हा’ खेळाडू म्हणजे ‘टू इन वन’ मटेरियल! ऑस्ट्रेलियन दिग्गजाने केले कौतुक