‘या’ दिग्गजाने निवडले क्रिकेट इतिहासातील 3 महान फलंदाज, विराट कोहलीला स्थान पण सचिन तेंडुलकरला वगळले!

Hashim Amla’s picks for the 3 greatest cricketers: क्रिकेटचा इतिहास खूप मोठा आहे. यात अनेक दिग्गज फलंदाज पाहायला मिळाले आहेत, ज्यांनी भरपूर धावा केल्या. त्यांनी आपल्या संघांना मोठ्या सामन्यांमध्ये विजय मिळवून दिले. आता दक्षिण आफ्रिकेचा माजी फलंदाज हाशिम अमलाने क्रिकेट इतिहासातील 3 सर्वोत्तम फलंदाजांची नावे सांगितली आहेत. यात त्याने भारताचा स्टार फलंदाज विराट कोहलीला समाविष्ट केले, पण ‘द गॉड’ सचिन तेंडुलकरला मात्र त्याच्या यादीत स्थान मिळाले नाही.

‘स्टार स्पोर्ट्स’शी बोलताना हाशिम अमलाने इतिहासातील सर्वात शानदार फलंदाजांबद्दल सांगितले. यावेळी त्याने 3 नावे समोर ठेवली. त्याने सर्वात आधी विराट कोहलीचे नाव घेतले. याशिवाय त्याने या यादीत दक्षिण आफ्रिकेचा माजी कर्णधार आणि ‘मिस्टर 360’ एबी डिव्हिलियर्सला देखील समाविष्ट केले. तिसरे आणि शेवटचे नाव म्हणून त्याने वेस्ट इंडीजचे दिग्गज व्हिव्हियन रिचर्ड्स यांचा उल्लेख केला. हे तिन्ही फलंदाज शानदार आहेत. साधारणपणे जेव्हा जेव्हा महान फलंदाजांबद्दल चर्चा होते, तेव्हा सचिन तेंडुलकरचे नाव नक्कीच येते, पण अमलाचे मत वेगळे आहे. (Greatest batsmen in cricket)

Hashim Amla picks his Top 3 Best Batsman of All Time: (Star Sports).

– Virat Kohli.
– Ab De Villiers.
– Viv Richards. pic.twitter.com/G5GallrpHb

— Tanuj (@ImTanujSingh) July 20, 2025

हाशिम अमलाची आंतरराष्ट्रीय कारकिर्द खूपच जबरदस्त ठरली आहे. त्याने 2004 मध्ये कसोटी पदार्पण केलं होतं आणि नंतर तो सर्व फॉरमॅटमध्ये खेळताना दिसला. अमलाने 134 कसोटी सामन्यांमध्ये 9,282 धावा केल्या, ज्यामध्ये त्याने 28 शतकांसह 41 अर्धशतके झळकावली आहेत. वनडे क्रिकेटमध्ये अमला दक्षिण आफ्रिकेसाठी 181 सामन्यांमध्ये खेळला. दरम्यान त्याने 49.46च्या सरासरीने 8,113 धावा केल्या. वनडे सामन्यांमध्ये अमलाच्या नावावर 27 शतके आणि 39 अर्धशतके आहेत. (Hashim Amla’s international career)

टी20 आंतरराष्ट्रीयमध्ये त्याचे प्रदर्शन चांगले राहिले आहे. त्याने 44 सामने खेळून 1,277 धावा केल्या. यात त्याने एकही शतक झळकावले नसले तरी 8 वेळा 50 धावांचा टप्पा पार करण्यात तो यशस्वी ठरला. 2019 मध्ये अमलाने आंतरराष्ट्रीय क्रिकेटमधून निवृत्तीची घोषणा केली होती. यानंतर तो काही लीग खेळताना दिसला आणि 2023 मध्ये त्याने पूर्णपणे क्रिकेटला अलविदा केले. त्याने आंतरराष्ट्रीय क्रिकेटमध्ये एकूण 18,672 धावा केल्या आहेत. (Hashim Amla career)