यंदाच्या आयसीसी टी20 विश्वचषकातील (ICC T20 World Cup) सुपर 8 मधील तिसरा सामना गुरुवारी (20 जून) रोजी भारत विरुद्ध अफगाणिस्तान (IND vs AFG) यांच्यामध्ये खेळला गेला. बार्बाडोसच्या स्टेडियमवर हा सामना रंगला होता. या सामन्यात भारतानं 47 धावांनी शानदार विजय मिळवला.
भारतानं दिलेल्या 182 धावांचा पाठलाग करताना अफगाणिस्तान संघ 134 धावाच करु शकला. अफगाणिस्तानसाठी अजमतुल्ला ओमरझाईनं (Azmatullah Omarzai) 20 चेंडूत 28 धावांची खेळी खेळली. तर नजीबुल्ला झादरान 19, गुलबदिन नाईब 17, मोहम्मद नबी 14, नूर अहमद 12 धावा यांच्या जोरावर अफगाणिस्तान संघ सर्वबाद 134 धावांच करु शकला.
भारतासाठी अनुभवी वेगवान गोलंदाज जसप्रीत बुमराह (Jasprit Bumrah) आणि प्रतिभावान वेगवान गोलंदाज अर्शदीप सिंग (Arshdeep Singh) यांनी प्रत्येकी 3-3 विकेट्स घेतल्या. तर फिरकीपटू कुलदीप यादव (Kuldeep Yadav) 2, अक्षर पटेल आणि रवींद्र जडेजा यांनी 1-1 विकेट घेतली.
तत्पूर्वी भारतानं टाॅस जिंकून प्रथम फलंदाजीचा निर्णय घेतला होता. भारतासाठी सूर्यकुमार यादवनं (Suryakumar Yadav) 28 चेंडूत सर्वाधिक 53 धावांची आक्रमक खेळी खेळली. त्यामध्ये त्यानं 5 चौकारांसह 3 उत्तुंग षटकार ठोकले. तर हार्दिक पांड्यानं 32 धावांच्या खेळीत 2 षटकार ठोकले. रिषभ पंत (Rishabh Pant) 20, विराट कोहली (Virat Kohli) 24 धावा यांच्या जोरावर भारतानं 7 गडी गमावून 181 धावांचं लक्ष्य गाठलं.
अफगाणिस्तानसाठी प्रतिभावान वेगवान गोलंदाज फजलहक फारुकीनं (Fazalhaq Farooqi) 3 विकेट्स घेतल्या. तर कर्णधार फिरकीपटू राशिद खाननं (Rashid Khan) 3 विकेट्स घेतल्या आणि वेगवान गोलंदाज नवीन उल हकच्या (Navin Ul Haq) हाती 1 विकेट लागली.
अखेर भारतानं हा सामना 47 धावांनी जिंकला. या सामन्याचा सामनावीर पुरस्कार सूर्यकुमार यादवला (Suryakumar Yadav) देण्यात आला.
दोन्ही संघांच्या प्लेइंग 11
भारत- रोहित शर्मा (कर्णधार), विराट कोहली, रिषभ पंत (यष्टीरक्षक), सूर्यकुमार यादव, शिवम दुबे, हार्दिक पंड्या, रवींद्र जडेजा, अक्षर पटेल, कुलदीप यादव, अर्शदीप सिंग, जसप्रीत बुमराह
अफगाणिस्तान- रहमानउल्ला गुरबाज(यष्टीरक्षक), इब्राहिम झद्रान, नजीबुल्ला झादरान, हजरतुल्ला झझई, गुलबदिन नाईब, अजमतुल्ला ओमरझाई, मोहम्मद नबी, रशीद खान (कर्णधार), नूर अहमद, नवीन उल हक, फजलहक फारुकी
महत्त्वाच्या बातम्या-
17 वर्षीय खेळाडूचा भारतीय संघात समावेश, दक्षिण आफ्रिकेविरुद्ध करणार पदार्पण
सूर्यकुमार यादवचं शानदार अर्धशतक, भारताचं अफगाणिस्तानसमोर 182 धावांचं आव्हान
सुपर 8 सामन्यात भारतानं जिंकला टाॅस; जाणून घ्या दोन्ही संघांच्या प्लेइंग 11
